Ulytaý oblysynda 25-ten astam iri áleýmettik jáne ınjenerlik-kommýnıkatsııalyq joba júzege asyrylady
JEZQAZǴAN. KAZINFORM – Prezıdent tapsyrmasy boıynsha Ulytaý oblysynda 25-ten astam iri áleýmettik jáne ınjenerlik-kommýnıkatsııalyq ınfraqurylym jobalary júzege asyrylady.
Bul týraly Ulytaý oblysynyń ákimi Eset Baıken suhbat barysynda málimdedi.
Úkimettiń qoldaýymen óńirde áleýmettik jáne ınjenerlik-kommýnıkatsııalyq ınfraqurylymdy damytýǵa baǵyttalǵan 25-ten astam birinshi kezektegi jobany kezeń-kezeńimen júzege asyrý jumystary bastaldy. Atalǵan jobalar ulttyq kompanııalar jáne iri bıznes ókilderimen birlesip iske asyrylady.
Óńirdiń strategııalyq seriktesteriniń biri – «Qazaqmys korporatsııasy» JShS. Oblys ákimdigi men korporatsııa arasynda Jezqazǵan qalasynda zamanaýı tennıs ortalyǵyn salýdy jáne 6 myń kórermenge arnalǵan jańa jabyq fýtbol stadıonyn jobalaýdy kózdeıtin memorandýmǵa qol qoıyldy.
Oblys ákiminiń aıtýynsha, jańa sport nysandary turǵyndarǵa, ásirese balalar men jastarǵa sportpen shuǵyldanýǵa qosymsha múmkindikter beredi.
