Ulytaý oblysynda 20-ǵa jýyq aýyl ishimdikten túbegeıli bas tartty

JEZQAZǴAN. KAZINFORM — Ulytaý oblysyndaǵy Jańaarqa jáne Ulytaý aýdandardyń aqsaqaldary ári jastarynyń bastamasymen birqatar aýyl alkogol ónimderinen túbegeıli bas tartty. 

Nátıjesinde turmystyq janjal men qylmystyq oqıǵalar azaıyp, salaýatty ómir salty aıqyn ornyqty. Búginde oblys boıynsha barlyǵy 19 aýyl «ishimdiksiz eldi mekender» qataryna qosyldy.

Onyń 18-i Jańaarqa aýdanynda (Sáken, Aınabulaq, Alǵabas, Eskene, Aqtasty, Aqtúbek, Jumajanov, Orynbaı, Qaraaǵash, Aqtaý, Qylysh, Jańatalap, Qaramola, Baıǵul, Órkendeý, Atasý, 189-aýyl), bireýi Ulytaý aýdanynda – 1 aýyl (Baıqońyr).

Alǵashqy jyldary bastamaǵa nebári bes aýyl qatyssa, búginde olardyń sany on toǵyzǵa jetti. Bul qadam qoǵamdyq ahýaldy jaqsartyp qana qoımaı, jastardyń sportqa den qoıýyna, ulttyq qundylyqtardyń qaıta jańǵyrýyna yqpal etti.