17:12, 13 Qyrkúıek 2025 | GMT +5
Ulytaý oblysynda 1000-ǵa jýyq ujym «Taza Qazaqstan» respýblıkalyq aktsııasynda belsendilik tanytty
JEZQAZǴAN. KAZINFORM — Ulytaý oblysynda 13 qyrkúıek pen 12 qazan aralyǵynda qalalar men eldi mekenderdi abattandyrý, sanıtarlyq tazartý jáne kógaldandyrýǵa arnalǵan kúzgi biraılyq jarııalandy.
Atalǵan biraılyq aıasynda búgin jalpyoblystyq senbilik uıymdastyryldy. «Taza Qazaqstan» respýblıkalyq aktsııasyna óńirden 976 ujym qatysyp, barlyǵy 7209 azamat tazalyq jumystaryna óz úlesin qosty.
Tazalyq is-sharasyna 105 arnaıy tehnıka jumyldyrylyp, nátıjesinde 2200 tonnaǵa jýyq qatty turmystyq qaldyq shyǵaryldy.
Sonymen qatar, 433 gektar aýmaq turmystyq qaldyqtardan tazartyldy ári 1825 aǵash sanıtarlyq qyrqýdan ótti.
Bul shara oblys eldi mekenderiniń tazalyǵy men abattandyrýyna oń yqpal etip, turǵyndardyń ekologııalyq mádenıetin arttyrýǵa serpin berdi.