Ulytaý oblysyn jataǵan ýkekire jaılap, karantın engizildi

ASTANA. KAZINFORM – Ulytaý oblysynyń 2 aýdany men Jezqazǵan qalasy aýmaǵyn jataǵan ýkekire jaılap, karantın engizildi. Osyǵan oraı óńir basshysynyń qaýlysy Ashyq NQA portalynda jarııalandy.

- Osy qaýlynyń qosymshasyna sáıkes Ulytaý oblysy aýmaǵynda karantın rejımni engize otyryp, karantın aımaǵy belgilensin. «Ulytaý oblysynyń aýyl sharýashylyǵy jáne jer qatynastar basqarmasy» memlekettik mekemesi osy qaýlydan týyndaıtyn qajetti sharalardy qabyldasyn, - delingen qujatta.

Resmı málimetke sáıkes, Jańaarqa aýdanynda 3 983,5 gektar, Ulytaý aýdanynda 5 165,51 gektar jáne Jezqazǵan qalasynda 2 592,11 gektar jer jataǵan ýkekiremen zalaldanǵan.

Aıta keteıik, jataǵan ýkekire - elimizdiń aýmaǵynda taralǵan eń zııandy jáne joıý qıyn aramshópterdiń biri. Egistikterdi bitep tastaıdy. Barlyq daqyldyń shyǵymdylyǵyn jáne jaıylymdardyń ónimdiligin kúrt tómendetedi, jemshóp sapasyn nasharlatady.

Buǵan deıin Ulytaýda aýyl sharýashylyǵy basqarmasynyń eks-basshysy men orynbasaryna qatysty tergeý bastalǵanyn jazǵan edik.