Ulytaý oblysy sot alqasynyń tóraǵasy para aldy degen kúdikke ilindi

JEZQAZǴAN. KAZINFORM – Ulytaý oblysy sot alqasynyń tóraǵasy para aldy degen kúdikpen ustaldy. Boljam boıynsha, ol úshinshi tulǵa arqyly iri somany qoldy qylǵan, dep habarlaıdy Kazinform agenttiginiń tilshisi.

Jezqazǵanda Ulytaý oblysy sotynyń qylmystyq ister jónindegi sot alqasynyń tóraǵasy Qanat Shaıqamalov ustaldy. 

Tergeý málimetterine súıensek, sýdıa advokat arqyly úlken somada para alǵan. Ustaý kezinde aqshanyń bir bóligi tárkilendi.

Jemqordy quryqtaý operatsııasyn Sybaılas jemqorlyqqa qarsy kúres Agenttiginiń qyzmetkerleri Joǵarǵy sottyń ishki qaýipsizdik qyzmetiniń ókilderimen birlesip júrgizdi.

Osyǵan deıin qazaqstandyqtar jemqorlyq týraly habarlaǵany úshin 15,7 mln teńgege deıin syıaqy ala alatyny jaıly habarlaǵan bolatynbyz.