Ulytaý oblysy respýblıkada alǵash bolyp «Smart Point» tsıfrlyq keńistigin ashty
JEZQAZǴAN. KAZINFORM – Ulytaý oblysy ákimdigi men «Azamattarǵa arnalǵan úkimet» memlekettik korporatsııasynyń birlesken ekojúıesi negizinde qurylǵan «Smart Point» tsıfrlyq keńsesiniń ashylýyna oblys ákimi Dastan Ryspekov pen «Azamattarǵa arnalǵan úkimet» memlekettik korporatsııasynyń Basqarma tóraǵasy Arman Kenjeǵalıev qatysty.
«Smart Point» – dástúrli ákimshilik keńistik emes, álemdik úzdik tájirıbelerge, sonyń ishinde Apple Store formatyndaǵy ashyq arhıtektýra qaǵıdattaryna negizdelgen zamanaýı servıstik hab. Ortalyqtyń basty maqsaty – turǵyndarǵa yńǵaıly, qoljetimdi jáne ashyq orta qalyptastyryp, tsıfrlyq tehnologııalardy kúndelikti ómirge keńinen engizý.
– Búginde halyqqa memlekettik qyzmetterdi barynsha yńǵaıly ári qoljetimdi etý – basty mindetterdiń biri. Endi turǵyndar túrli qyzmetti bir jerden, kezeksiz ári zamanaýı formatta ala alady. Bul – ýaqytty únemdeýge, artyq áýre-sarsańdy azaıtýǵa múmkindik beredi. Eń bastysy, azamattarǵa burynǵydaı ár mekemeni aralap, bank bólimshelerine baryp tólem jasap júrýdiń qajeti bolmaıdy. Barlyq servıs bir keńistikte qoljetimdi bolady. Ulytaý oblysynyń respýblıka boıynsha mundaı formattaǵy jobany alǵash bolyp iske qosýy – biz úshin úlken jetistik ári óńirdiń tsıfrlyq transformatsııaǵa daıyn ekeniniń naqty kórinisi, - dedi oblys ákimi Dastan Ryspekov.
Joba halyqtyń tsıfrlyq saýattylyǵyn arttyrýǵa, ózine-ózi qyzmet kórsetý mádenıetin damytýǵa jáne memlekettik qyzmetterdi usynýdyń jańa sapaly deńgeıin qalyptastyrýǵa baǵyttalǵan.
Sonymen qatar «Smart Point» azamattar men memlekettik organdar arasyndaǵy ózara is-qımyldy jeńildetip, óńirdiń tsıfrlyq transformatsııasyn jedeldetýge yqpal etedi.
