Ulytaý oblysy Eńbek ınspektsııasy departamentiniń basshysy taǵaıyndaldy

ASTANA. KAZINFORM — QR Eńbek jáne halyqty áleýmettik qorǵaý mınıstrligi Memlekettik eńbek ınspektsııasy komıteti Ulytaý oblysy boıynsha departamentiniń basshysy taǵaıyndaldy, dep habarlaıdy Ulytaý oblysy ákimdiginiń baspasóz qyzmeti.

Jasulan Rústemov 1986 jyly 19 tamyzda týǵan.

D.A.Qonaev atyndaǵy ýnıversıtetin «Aqparattyq júıeler» mamandyǵy jáne Qazaq tehnologııa jáne bıznes ýnıversıtetin «Memlekettik jáne jergilikti basqarý» mamandyǵy boıynsha bitirgen.

Eńbek jolyn 2007 jyly «Femıda» zań kolledjinde aqparattyq júıeler oqytýshysy bolyp bastaǵan.

2008-2013 jyldary QR Kólik jáne kommýnıkatsııa mınıstrliginiń «Aqparattyq-tusaýkeser ortalyǵy» respýblıkalyq mekemesinde aqparattandyrý qyzmetiniń tehnık-ınjeneri jáne osy qyzmettiń bastyǵy bolǵan.

Ár jyldary QR Kólik jáne kommýnıkatsııa mınıstrligi Kóliktik baqylaý komıtetinde bas sarapshy, QR Investıtsııalar jáne damý mınıstrligi qujattamalyq qamtamasyz etý basqarmasynyń basshysy, Jezqazǵan qalasy ákimi apparatynyń basshysy bolǵan.

Oblys qurylǵan sátten bastap, 2024 jyldyń qazan aıyna deıin Ulytaý oblysy ákimi apparaty basshysynyń orynbasary bolyp qyzmet etti.

Aıta keteıik, budan buryn Ulytaý oblysy Jer resýrstaryn basqarý departamentiniń basshysy aýysqany belgili boldy.