Ulytaý oblysy áleýmettik-ekonomıkalyq kórsetkish boıynsha úzdik óńirler qatarynda
JEZQAZǴAN. KAZINFORM – Qazaqstan Respýblıkasynyń Premer-mınıstri Oljas Bektenovtiń tóraǵalyǵymen ótken Úkimet otyrysynda 2026 jyldyń birinshi jartyjyldyǵyndaǵy elimizdiń áleýmettik-ekonomıkalyq damý qorytyndylary men respýblıkalyq bıýdjettiń atqarylý nátıjeleri qaraldy.
Jıynda Ulytaý oblysynyń áleýmettik-ekonomıkalyq damý kórsetkishteri joǵary baǵalanyp, óńir birqatar negizgi baǵyt boıynsha respýblıkadaǵy kóshbasshylar qatarynan kórindi.
2026 jyldyń qańtar–maýsym aılarynyń qorytyndysy boıynsha Ulytaý oblysyndaǵy ekonomıkanyń ósýi 17 paıyz bolyp, bul kórsetkishpen óńir Qazaqstan boıynsha 2-orynǵa turaqtady.
Sonymen qatar, jekelegen salalardaǵy damý qarqyny boıynsha Ulytaý oblysy respýblıkada 1-orynǵa shyqty. Atap aıtqanda:
* qurylys jumystarynyń ósýi — 3,3 ese,
* jeke ınvestıtsııalar kólemi — 2,2 ese.
Al turǵyn úıdi paıdalanýǵa berý kórsetkishi boıynsha óńir 14 paıyzdyq ósimmen respýblıkada 3-oryndy ıelendi.
Bul nátıjeler Ulytaý oblysynda ınvestıtsııalyq belsendiliktiń artyp, qurylys salasynyń qarqyndy damyp kele jatqanyn jáne óńir ekonomıkasynyń turaqty ósimin aıqyn kórsetedi.
