Ulytaý oblysy ákiminiń BAQ qyzmetkerlerine arnalǵan syılyǵy tabystaldy
JEZQAZǴAN. KAZINFORM – Ular syılyǵynyń jeńimpazdary 500 myń, 1 000 000 teńgeden ıelendi.
26 maýsymda Jezqazǵanda buqaralyq aqparat quraldarynyń qyzmetkerlerine beriletin jyl saıynǵy Ulytaý oblysy ákiminiń «Ular» syılyǵyn tapsyrý saltanatty rásimi ótti. Mereke ıelerin Ulytaý oblysynyń ákimi Dastan Ryspekov, Ulytaý oblysy máslıhatynyń tóraǵasy Baýyrjan Shyńǵysov quttyqtady.
«Qurmet» ordenimen Rahmetov Shamhan, «Eren eńbegi úshin» medalimen Eralına Saltanat marapattaldy.
Sonymen qatar, «Eńbek ardageri» medalimen Arymbekova Amankúl marapattalsa, Aqparat salasynyń úzdigi tósbelgilerin Odıntsova Valentına, Jumabaev Qaırat pen Alpysbaeva Meıramkúl ıelendi.
«Ular» syılyǵynyń nomınatsııalarymen kelesi qyzmetkerler marapattaldy:
• «Mamandyqqa adaldyǵy úshin» — «Podrobnostı» gazetiniń dırektory Barbýtko Nına;
• «Jyldyń úzdik shyǵarmashylyq jumysy» — «Ulytau» oblystyq telearnasynyń tilshisi Seıtqazy Muqaǵalı;
• «Ekonomıka taqyrybyn úzdik jarııalaǵany úshin» — «Mysty óńir» gazetiniń tilshisi Ábdirashev Álibek;
• «Ózekti máselelerdi úzdik jarııalaǵany úshin» — «Aqsham» telearnasynyń tilshisi Janabekova Nargız;
• «Shańyraq» — «Saryarqa» gazetiniń bas redaktory Tilemisova Jannur;
• «Áleýmettik taqyrypty úzdik jarııalaǵany úshin» — Qazaqstan jýrnalıster odaǵynyń Ulytaý oblysy boıynsha fılıalynyń atqarýshy hatshysy Túsipov Iztóleý;
• «Sybaılas jemqorlyqqa qarsy taqyryptaǵy úzdik materıal» — «Jezkazganskıı vestnık» gazetiniń bas redaktory Alpanbaeva Elvıra;
• «Óndiris taqyrybyn úzdik jarııalaǵany úshin» — «Qazynaly óńir» gazetiniń tilshisi Naýryzbaeva Gaýhar;
• «Aýyl taqyrybyn úzdik jarııalaǵany úshin» — «Jańaarqa» gazeti redaktsııasynyń bas redaktory Eralına Saltanat;
• «Zań men tártip qaǵıdatyn úzdik jarııalaǵany úshin» — Sátbaev qalalyq «Sharaına» gazeti redaktsııasynyń tilshisi Shahaeva Maral;
• «Máner men atqarymdylyq úshin» — «Ulytaý tv» telearnasynyń bas operatory Orazov Dýman men «Aımaq aqshamy» gazetiniń dızaıneri Qabıeva Venera;
Barlyq úmitkerlerge 500 myń teńgeden tabys etildi.
«Ulytaý oblysy jýrnalıstıkasyn damytýǵa qosqan úlesi úshin» arnaıy syılyǵy men 1 mln teńge kólemindegi sertıfıkat Qazaqstan Jýrnalıster odaǵynyń múshesi, «Mysty óńir» gazetiniń jýrnalısi, Ibadatov Shahmurat pen zeınetker, «Qurmet» ordeniniń ıegeri, Qazaqstannyń qurmetti jýrnalısi, «Ulytaý» gazetiniń tilshisi Maǵzumbek Mashaıyqulyna tabystaldy.
Úzdik BAQ qyzmetkerleri Ulytaý oblysynyń Qurmet gramotalarymen, oblys ákiminiń alǵys hattarymen marapattaldy.
