Ulybrıtanııanyń vıtse-premeri daýdan keıin qyzmetinen ketti
ASTANA. KAZINFORM – Ulybrıtanııanyń vıtse-premeri ári turǵyn úı qurylysy mınıstri Andjela Reıner qyzmetinen ketti, dep habarlaıdy Kazinform tilshisi.
Ol sonymen birge Leıborıstik partııa lıderi orynbasary qyzmetin de bosatady. Reınerdiń otstavkasy kýrorttyq Hoýv qalasynda quny 800 myń fýnt sterlıng turatyn jyljymaıtyn múlikti satyp alý kezinde gerbtik alymnyń tolyq tólenbeýine qatysty daýdan keıin boldy.
Premer-mınıstr Kır Starmerge joldaǵan hatynda Reıner bul qatelik úshin tolyq jaýapkershilikti óz moınyna alatynyn atap ótti. Onyń sózinshe, ol ádeıi salyqtan jaltarýdy kózdemegen, alaıda qosymsha salyqtyq keńes almaǵany durys sheshim bolmaǵan.
— Men adal áreket ettim, biraq óz qyzmetimniń joǵary jaýapkershiligin eskere otyryp, qosymsha keńes almaýym durys bolmady, — dedi ol.
Sondaı-aq Reıner BAQ tarapynan kórsetilgen qysymnyń otbasy úshin aýyr tıgenin, sondyqtan ári qaraı úkimet quramynda jumysyn jalǵastyrýdyń múmkin emestigin málimdedi.
Kır Starmer jaýap hatynda onyń sheshimine ókinish bildirip, Reınerdi «úkimet jumysynyń negizgi tulǵasy» dep atady. Sonymen birge ol Reınerdiń Leıborıstik partııadaǵy jetekshi saıasatkerlerdiń biri bolyp qala beretinin jetkizdi.
— Angela Rayner (@AngelaRayner) September 5, 2025
Aıta keteıik, Andjela Reıner 2024 jyldyń 5 shildesinde vıtse-premer qyzmetine taǵaıyndalǵan edi. Ol 2015 jyldan beri Qaýymdar palatasynyń depýtaty bolyp kelgen.
Aıta ketelik Ulybrıtanııa tarıhynda alǵash ret korol astronomy qyzmetine áıel taǵaıyndaldy.