Ulybrıtanııanyń Syrtqy ister mınıstri Devıd Kemeron Izraılge bardy

Devıd Kemeron tutqyndardy bosatý jáne Gaza sektoryna gýmanıtarlyq kómek jetkizý kelisimin talqylaý úshin Izraıl jáne Palestına kóshbasshylarymen kezdesedi. Kazinform bul týraly VVS-ge silteme jasap habarlaıdy. 

Devıd Kemeron sondaı-aq Gazadan nebári bes shaqyrym jerde ornalasqan Beerı kıbýtsynda boldy.

Buǵan deıin D.Kemeron Londonǵa kelgen arab jáne ıslam elderiniń syrtqy ister mınıstrlerimen Gaza sektoryndaǵy jaǵdaıdy talqylady. Saýd Arabııasy, Iordanııa, Mysyr, Palestına, Túrkııa, Indonezııa jáne Nıgerııa syrtqy ister vedomstvolarynyń basshylary, sondaı-aq Arab memleketteri lıgasynyń Bas hatshysy jáne Katardyń Londondaǵy Elshisi BUU Qaýipsizdik keńesine turaqty múshe elderdiń astanalaryna baryp júr.

D.Kemeron Birikken Koroldiktiń Syrtqy ister mınıstri bolyp jaqynda taǵaıyndalǵan. 2010-2016 jyldary ol Ulybrıtanııanyń premer-mınıstri qyzmetin atqarǵan.