Ulybrıtanııanyń Qorǵanys mınıstrligi jastarǵa arnalǵan bir jyldyq áskerı daıyndyq baǵdarlamasyn iske qosty
ASTANA.KAZINFORM — Ulybrıtanııa Qorǵanys mınıstrligi 2026 jyly mektep túlekterine baǵyttalǵan pılottyq 12 aılyq áskerı daıyndyq baǵdarlamasyn iske qosýdy josparlap otyr, dep habarlaıdy BBC.
Bastama armııadaǵy uzaq merzimdi mansapsyz negizgi qyzmet tájirıbesin alýǵa baǵyttalǵan.
Baǵdarlamaǵa 25 jasqa deıingi qyz, jigitter qatysa alady. Ótinish 2026 jyldyń kókteminde qabyldanady. Bastapqyda shamamen 150 adam jumysqa qabyldanyp, keıin jylyna 1000-ǵa deıin artýy múmkin. Qatysýshylarǵa jalaqy tólenedi, onyń mólsheri keıinirek jarııalanady.
Baǵdarlama negizinen mektepti bitirgennen bastap ýnıversıtetke túsý arasynda bir jyl úzilis jasaıtyn jastarǵa arnalǵan. Bul format Ulybrıtanııa Qarýly Kúshterindegi jumysqa qabyldaý jáne ustap qalý máselelerin ishinar sheshýge septigin tıgizýi múmkin.
Bastamany ázirleý kezinde brıtandyq tarap Aýstralııa Qorǵanys kúshterinde on jyldan astam ýaqyt boıy jumys istep kele jatqan uqsas baǵdarlama tájirıbesine súıengenin atap ótti.
Buǵan deıin Ulybrıtanııanyń Qorǵanys jónindegi memlekettik hatshysynyń orynbasary Vernon Koker Kazinform-ǵa bergen eksklıýzıvti suhbatynda Qazaqstan men Ulybrıtanııa arasyndaǵy qorǵanys salasyndaǵy yntymaqtastyqtyń negizgi baǵyttary týraly aıtyp, áskerı daıyndyq pen beıbitshilikti saqtaý operatsııalaryndaǵy baılanystardy nyǵaıtýdyń mańyzdylyǵyn atap ótti.