Ulybrıtanııanyń qaryzy alǵash ret 3 trıllıon fýnttan asty
ASTANA. KAZINFORM — Ulybrıtanııa Ulttyq statıstıka basqarmasynyń (ONS) deregine sáıkes, qyrkúıek aıynda úkimettiń jalpy qaryzy 3,005 trıllıon fýnt sterlıngke (4 trıllıon dollar) jetti, bul memlekettik qarjyǵa qysymnyń artyp kele jatqanyn kórsetedi, dep habarlaıdy Kazinform The Telegraph basylymyna silteme jasap.
Memlekettiń qaryzy kútilgennen aıtarlyqtaı jyldam ósip barady.
Qaryzdyń ósýiniń sebepteriniń biri Irandaǵy soǵysqa baılanysty bolyp otyr.
Qazir memlekettik qaryz ár brıtan otbasyna shaqqanda 100 000 fýnt sterlıngten týra keledi.
Bir ǵana qyrkúıek aıynda úkimet qaryz paıyzdaryn tóleýge 10,9 mıllıard fýnt sterlıng jumsaǵan. Bul — statıstıka júrgizile bastaǵan 1997 jyldan bergi rekordtyq kórsetkish.
Qyrkúıek aıynda Qazyna kantsleri Djon Hılı salyq túsimderi men úkimettik shyǵyndar arasyndaǵy alshaqtyqty jabý úshin 24,5 mıllıard fýnt sterlıng qaryz alǵan. Bul «basty nazardy qarjylyq tártipke aýdaramyn» dep ýáde bergen Hılıge aıtarlyqtaı qıyndyqtar týǵyzady.
Premer-mınıstr Endı Bernem bıýdjetti qalyptastyrý boıynsha «qıyn sheshimder» qabyldaý qajettiligi týraly eskertken. Degenmen Djon Hılı Ulybrıtanııanyń áleýmettik tólemderge aýdarylatyn shyǵyndaryn qysqartpaq emes.
Kerisinshe ol qymbatshylyqqa baılanysty qıyndyqqa tap bolǵan otbasylarǵa qoldaý kórsetýdiń jańa paketin qarjylandyrý úshin salyqtardy kóterýdi josparlap otyr.
Buǵan deıin AQSh-tyń memlekettik qaryzy eki aıda $400 mıllıardqa óskeni habarlanǵan.
