Ulybrıtanııanyń burynǵy premer-mınıstri Rıshı Sýnak Microsoft-ta keńesshi bolyp jumys isteıdi

ASTANA. KAZINFORM – Ulybrıtanııanyń burynǵy premer-mınıstri Rıshı Sýnak Microsoft tehnologııalyq alyby men Anthropic jasandy ıntellekt startapynda joǵary keńesshi laýazymyn atqaratyn boldy, dep habarlaıdy Reuters.

Sýnak Microsoft-ta makroekonomıkalyq jáne geosaıası úderiske strategııalyq kózqaras qalyptastyrady.

Ol sonymen qatar AQSh-tyń Anthropic startapyna strategııa, makroekonomıkalyq jáne geosaıası úrdister máseleleri boıynsha keńes beredi. Bul qyzmet Ulybrıtanııanyń saıasatyna emes, jahandyq strategııalyq máselelerge baǵyttalǵan jáne Sýnaqqa Anthropic atynan Ulybrıtanııa úkimetiniń sheneýnikterimen baılanys ornatýǵa tyıym salyndy.

Ótken jylǵy shildede ótken jalpy saılaýda jeńilgennen keıin Konservatıvtik partııanyń kóshbasshysy qyzmetinen ketken saıasatker brıtanııalyq parlament depýtaty bolyp qala beredi.

Burynǵy premer-mınıstr eki kompanııadan túsken barlyq tabysty áıeli Akshata Mýrtımen birge qurǵan The Richmond Project qaıyrymdylyq qoryna jiberiletinin habarlady.

Eske sala ketsek, shilde aıynda Rıshı Sýnak álemdegi eń iri ınvestıtsııalyq bankterdiń biri Goldman Sachs-te keńesshi bolyp jumysqa ornalasty.

Buǵan deıin Ulybrıtanııanyń vıtse-premeri daýdan keıin qyzmetinen ketkenin habarlaǵan bolatynbyz.