Ulybrıtanııalyqtar Astanada ótetin kóshpendiler oıynyna qatysady

ASTANA. KAZINFORM – Astana qalasynda 8-14 qyrkúıek aralyǵynda ótetin V Dúnıejúzilik kóshpendiler Ulybrıtanııa eli qatysatynyn rastady.

V Dúnıejúzilik kóshpendiler oıyndaryn daıyndaý jáne ótkizý jónindegi Dırektsııasy málim etkendeı, Ulybrıtanııa elshiliginiń qyzmetkerleri atalǵan uıymnyń basshylyǵymen kezdesip, brıtandyq sportshylardyń oıynǵa qatysý týraly erejelermen tanysyp, ózara pikir almasty. 

Aıta keteıik, buǵan deıin brıtandyq Ovarı federatsııasy ovarı ulttyq quramasynyń oıyndarǵa qatysatynyn resmı túrde rastaǵan bolatyn. Sondaı-aq Ulybrıtanııa Elshiliginiń ókilderine sporttyń birneshe túrinen, kúrestiń bes túrinen, Powerful Nomads jáne arqan tartys sııaqty sport túrlerinen qatysý múmkindigin qarastyrý usynyldy.

Sonymen qatar brıtandyq tarap kórneki sport túrleriniń tizimine krıketti engizýge, «Sport ǵylymy» sektsııasynda brıtandyq spıkerlerdiń ǵylymı baǵdarlamaǵa qatysýyna ótinim berdi.

Esterińizge sala keteıik, Dúnıejúzilik kóshpendiler oıynynda sporttyń 20 túrinen kil myqtylar anyqtalady.

Atap aıtsaq, asyq atý, ordo, arqan tartys, báıge, kókpar, aýdaryspaq, teńge ilý, qazaq kúresi, alysh, kýrash, ashyrtmaly aba gıýreshı, ssırym, mas-restlıng, Powerfull nomad (kúshtilerdiń saıysy), toǵyzqumalaq, mangala, ovarı, dástúrli sadaq atý, jamby atý, qusbegilikten saıystar ótedi.

Sondaı-aq 10 kórneki sport saıysynan jarystar ótkizý josparlanǵan.

Dúnıejúzilik Kóshpendiler oıyndary – etnıkalyq, dástúrli sport túrleri boıynsha ótetin halyqaralyq jarys. 2014, 2016 jáne 2018 jyldary Qyrǵyzstannyń Sholpan Ata qalasynda ótse, 2022 jyly Túrkııanyń Iznık shaharynda tórtinshi Dúnıejúzilik oıyndar uıymdastyryldy.