Ulybrıtanııadaǵy saıası daǵdarys: parlamenttiń 80-nen astam múshesi premerdiń ketkenin qalaıdy - BAQ
ASTANA. KAZINFORM – Ulybrıtanııanyń bıleýshi partııasynda premer-mınıstr Kır Starmerdiń saıasatyna narazylyq artyp keledi, dep habarlaıdy Kazinform agenttiginiń Londondaǵy menshikti tilshisi.
ITV News telearnasynyń habarlaýynsha, jergilikti saılaýdyń sátsiz qorytyndylarynan keıin Ulybrıtanııa parlamentiniń kem degende 86 múshesi premer-mınıstr Kır Starmerdiń Leıborıstik partııanyń kóshbasshysy qyzmetinen bosatylýyn qoldaýǵa daıyn.
ITV News tilshileri parlament depýtattarymen baılanysyp, olardyń jarııa málimdemelerin taldady. Parlamenttiń 84 múshesi premer-mınıstrdiń jaqyn arada ketý merzimin belgileýi kerek dep málimdedi, al taǵy ekeýi partııadaǵy jaǵdaı jaqsarmaǵan jaǵdaıda ol qyzmetinen ketýge mindetti dep sanaıdy.
ITV News Leıborıstik partııanyń parlamenttik fraktsııasynyń barlyq 403 depýtatyna Starmerdiń dúısenbidegi sóz sóıleýinen keıin laıyqty kóshbasshy bolyp qala beretinine senimdi me degen suraq qoıyp, saýalnama jiberdi. Jarııalanǵan jaýaptar men túsiniktemelerge sáıkes, depýtattardyń shamamen 15%-y premer-mınıstrge endi senimdi emes ekenin moıyndady.
Leıborıstik partııa erejelerine sáıkes, jańa kóshbasshyny saılaý protsedýrasyn iske qosý úshin 81 depýtattyń qoldaýy qajet. Resmı túrde qarsy depýtattar sany bul shekten asyp ketti, alaıda protsess balama kandıdat resmı túrde usynylǵan jaǵdaıda ǵana bastalady.
Starmer seısenbide kabınet múshelerine onyń basshylyǵyna qarsy shyǵý protsedýrasy bastalmaǵanyn jáne premer-mınıstr qyzmetin jalǵastyrýdy josparlap otyrǵanyn málimdedi.
7 mamyrdaǵy jergilikti saılaýdan keıin partııa ishindegi saıası daǵdarys kúsheıe tústi, onyń qorytyndysy Leıborıstik partııaǵa aýyr soqqy boldy. Osyǵan baılanysty Starmer sóz sóılep, qorǵanys, energetıka jáne Eýropamen qarym-qatynas salasynda sheshýshi sharalar qabyldaýǵa ýáde berdi.
Premer-mınıstrge depýtat Ketrın Ýest Starmerdiń sózin «álsiz jáne tym kesh» dep atady. Ol bastapqyda partııa jetekshisine úmitker bolýǵa daıyn ekenin málimdegen, alaıda keıinirek óz ustanymyn jumsartyp, áriptesteri arasynda premer-mınıstrdiń ketý merzimin jarııalaýyn qoldaı bastady.
Brıtandyq BAQ kóshbasshylyqqa úmitkerler retinde salyq janjalyna baılanysty qyzmetinen ketken burynǵy vıtse-premer Andjela Reınerdi, densaýlyq saqtaý mınıstri Ýes Strıtıngti jáne Manchester meri Endı Bernemdi atap otyr. Bul rette joǵary reıtıngisine qaramastan, Bernem áli kúnge deıin kóshbasshylyqqa úmitker bola almaıdy, sebebi ol parlament depýtaty emes.
Leıborıstik partııadaǵy daǵdarystyń kúsheıýi aıasynda úkimettegi úsh sheneýnik otstavkaǵa berdi. Іshki ister mınıstriniń orynbasary Djess Fıllıps endi «qazirgi basshylyq kezinde» qyzmet ete almaıtynyn málimdedi.
Onyń artynan Kır Starmerden óziniń qyzmetinen ketý merzimin jarııalaýdy suraǵan Ádilet mınıstri Aleks Devıs-Djons otstavkaǵa ketti. Birinshi bolyp qyzmetinen ketken turǵyn úı qurylysy mınıstri Mıetta Fanbýlle partııa basshysyn aýystyrýǵa shaqyryp, Manchester meri Endı Bernem kandıdatýrasyn qarastyrýdy usyndy.
Brıtandyq saıası júıede mınıstrlik jáne kishi mınıstrlik laýazymdardy parlamenttiń músheleri atqarady, sondyqtan mundaı otstavkalar bıleýshi partııa ishindegi bólinýdiń kúrdeli belgisi retinde qarastyrylady.
Eske salsaq, ótken jyly daý-damaıdan keıin Ulybrıtanııa úkimetinde aýqymdy kadrlyq ózgerister boldy.
