Ulybrıtanııadaǵy karnavalda 100-den astam adam qamaýǵa alyndy
ASTANA. KAZINFORM — Brıtanııa polıtsııasy Nottıng Hıll karnavalynda 140 adamdy qamaýǵa aldy, dep habarlaıdy Daily Mail.
Eldiń Іshki ister mınıstrliginiń málimetinshe, olar esirtki saqtaǵany jáne tasymaldaǵany, qarý alyp júrgeni, polıtsııaǵa shabýyl jasaǵany, urlyq jasaǵany jáne basqa da qylmystary úshin qamaýǵa alynǵan. Olardyń 105-i karnaval kezinde qamaýǵa alynsa, qalǵandary sharaǵa kelgen kezde qamaýǵa alynǵan.
Nottıng Hıll karnavaly — jyl saıyn tamyz aıynyń sońynda Londonda ótetin Karıb teńizi mádenıetine arnalǵan iri kóshe festıvali. Ol 1960 jyldary bastaldy jáne násilder arasyndaǵy qarym-qatynastardy nyǵaıtýǵa baǵyttalǵan.
2024 jyly polıtsııa osy karnaval kezinde 230 adamdy tutqyndady, al festıvaldiń sońǵy kúni pyshaqtasý saldarynan jeti adam jaraqat aldy.
Eske sala keteıik, Ulybrıtanııada qysqa merzimdi jaza túrleri joıylady.