Ulybrıtanııada jasóspirimder 16 jastan bastap daýys bere alady

ASTANA. KAZINFORM — Ulybrıtanııa úkimeti beısenbi kúni saılaýda daýys berý jasyn 16-ǵa deıin tómendetýdi josparlap otyrǵanyn málimdedi, dep habarlaıdy BBC.

Bul bastama azamattardy, ásirese jastardy, demokratııalyq protseske keńinen tartýǵa baǵyttalǵan. Óıtkeni ótken jyly ótken jalpyulttyq saılaýda saılaýshylardyń qatysý deńgeıi 59,7% ǵana bolyp, 2001 jyldan bergi eń tómen kórsetkish tirkeldi.

Atalǵan ózgeris jańa Saılaý týraly zań aıasynda engiziletin birqatar sharalardyń bir bóligi bolady.

Basqa jańalyqtar qatarynda:

daýys berý úshin qoldanýǵa bolatyn qujattar tizimine Ulybrıtanııada berilgen banktik kartalardyń qosylýy, saılaýshylardy avtomatty tirkeý júıesine kóshý, sheteldik aralasýdyń aldyn alý maqsatynda saıası qaıyrymdylyqtarǵa qoıylatyn talaptardyń qatańdaýy bar.

Qazirgi ýaqytta Shotlandııa men Ýelste jergilikti keńesterge, sondaı-aq shotland parlamenti men Senatqa saılaýda daýys berýge 16 jastan ruqsat etilgen. Biraq el boıynsha basqa saılaýlarda tek 18 jastan bastap daýys berýge bolady.

Saılaýda daýys berý jasyn 16-ǵa deıin tómendetý Ulybrıtanııadaǵy saılaý júıesine 1969 jyldan beri engiziletin eń aýqymdy ózgeris bolmaq. Ol kezde daýys berý jasy 21-den 18-ge deıin tómendetilgen edi.

Buǵan deıin Túrkııada prezıdent saılaýy 2028 jyly ótetini habarlanǵan bolatyn.