Ulybrıtanııada telefon urlyǵyna qarsy eń kólemdi operatsııa júrgizildi
ASTANA. KAZINFORM – Ulybrıtanııa polıtsııasy urlanǵan uıaly telefondardy zańsyz alyp ótý shemasyn áshkerelep, uıymdasqan qylmysqa soqqy berdi, dep habarlaıdy Kazinform menshikti tilshisi.
Bir jylǵa sozylǵan tergeýden keıin quqyq qorǵaý organdarynyń qyzmetkerleri tergeý málimetinshe, sońǵy 12 aıda Ulybrıtanııadan Qytaıǵa urlanǵan 40 myńǵa deıin telefondy shyǵarǵan iri qylmystyq uıymnyń kózin joıdy. Bul sol jyly Londonda jasalǵan osyndaı qylmystardyń shamamen 40%-y.
Operatsııa kóshedegi qalta urylarynan bastap, jyl saıyn urlanǵan ondaǵan myń qurylǵyny shetelge zańsyz tasymaldaıtyn halyqaralyq qylmystyq toptarǵa deıin barlyq deńgeıdegi tizbekti joıýǵa múmkindik berdi.
- Biz úshin bul másele qanshalyqty mańyzdy ekenin kórsettik, biraq bizge ındýstrııa tarapynan qoldaý qajet. Biz Apple men Samsung kompanııalaryn bizben belsendi jumys isteýge jáne óz tutynýshylaryn ásirese telefon qaýipsizdigi men qaıta paıdalaný máselelerinde qorǵaýǵa shaqyramyz, - dep málimdedi mobıldi qurylǵylardy urlaý bóliminiń basshysy Endrıý Fezerstoýn.
Tergeý amaldary ótken jyldyń jeltoqsanynda Hıtroý áýejaıynyń janyndaǵy qoımada Gonkongqa jiberilýi tıis shamamen 1000-ǵa jýyq iPhone-nyń jóneltilimi anyqtalǵan kezde bastaldy. Qurylǵylardyń barlyǵy derlik urlanǵan bolyp shyqty jáne kólemdi operatsııanyń bastalýyna túrtki boldy.
Іske ádettegisinshe qarýly tonaý jáne esirtki kontrabandasy isteri boıynsha taǵaıyndalǵan mamandar tartyldy. Polıtsııa keıinirek taýardyń jańa partııasyn ustady, olardyń qaptamalaryn zerdelep, kúdiktilerdiń kim ekenin naqtylady.
Qyrkúıek aıynda qylmystyq shemanyń birneshe qatysýshysy ustaldy. Tıisti mekenjaılardy tintý kezinde 2000-ǵa jýyq telefon tárkilendi. Tergeý barysynda tonaý men urlyqqa qatysy bar kóshe qylmyskerleri de anyqtaldy.
- Bul top shetel naryǵynda joǵary tabys alý maqsatymen Apple qurylǵylaryn arnaıy nysanaǵa alǵan. Biz kóshe urylarynyń bir qurylǵy úshin 300 fýnt sterlıngke deıin aqsha tapqanyn anyqtadyq, al Qytaıda bul qurylǵylar 5 myń dollarǵa deıin satyldy, - dep baıandady detektıv-ınspektor Mark Gevın.
Ulybrıtanııada uıaly telefon urlyǵynyń ósimi baıqaldy.
Polıtsııanyń málimetinshe, ótken jyly tek Londonda 80 myńǵa jýyq qurylǵy urlanǵan.
Buǵan deıin Ulybrıtanııada velosıped urlyǵy endi qylmys bolyp sanalmaıtynyn jazǵan edik.
Al Anglııa men Ýelstegi túrmelerde oryn tapshylyǵymen kúresý úshin Ulybrıtanııa úkimeti iske qosqan merziminen buryn bosatý baǵdarlamasy aıasynda shamamen 40-qa jýyq tutqyn qatelesip bosatylǵan.