Ulybrıtanııada sońǵy eki ǵasyrdaǵy eń aýqymdy polıtsııa reformasy tanystyryldy
ASTANA. KAZINFORM — 26 qańtarda Ulybrıtanııanyń ishki ister mınıstri Shabana Mahmýd polıtsııany reformalaýǵa arnalǵan «aq kitapty» tanystyrdy. Qujatta polıtsııa qyzmeti kásibı júıe retinde qalyptasqannan bergi shamamen 200 jyl ishindegi eń iri ózgerister jospary usynylǵan. Bul týraly Ulybrıtanııa Іshki ister mınıstrligi habarlady.
«Jergiliktiden ulttyq deńgeıge: polıtsııa qyzmetiniń jańa modeli» dep atalǵan qujat Anglııa men Ýelstegi quqyq qorǵaý júıesin túbegeıli jańǵyrtýdy kózdeıdi.
Reformanyń negizgi baǵyttarynyń biri – tehnologııalyq jańartý. Úkimet 140 mln fýnttan astam qarjyny bet-álpetti taný júıeleri men beınematerıaldardy taldaýǵa arnalǵan jasandy ıntellektini engizýge baǵyttaıdy. Osy jumystardy úılestirý úshin Police.AI ulttyq ortalyǵy qurylady. Avtomattandyrý jyl saıyn 6 mln jumys saǵatyn únemdep, shamamen 3 myń polıtseıdiń qaǵazbastylyqtan bosap, patrýldeý men azamattarmen jumysqa kóbirek kóńil bólýine múmkindik beredi.
Naqty ýaqyt rejıminde bet-álpetti tanıtyn mobıldi keshender sany bes ese artady. Anglııa men Ýelstegi barlyq polıtsııa bólimsheleri zorlyq-zombylyq jáne jynystyq qylmystarǵa kúdiktilerdi izdeýge arnalǵan 50 qondyrǵyǵa qol jetkizedi.
Sonymen qatar beınebaqylaý kameralary, «aqyldy» qońyraýlar men azamattar usynǵan mobıldi qurylǵylardaǵy jazbalar arqyly kúdiktilerdi anyqtaıtyn ІІ quraldary engiziledi. Bul, ásirese, alaıaqtyq pen uıymdasqan qylmysqa qarsy kúresti kúsheıtpek.
Bılik ókilderiniń aıtýynsha, jańa tehnologııalar telefondar men noýtbýkterdegi jasyryn derekterdi alýdy jeńildetip, aýyr qylmystar, sonyń ishinde balalarǵa qatysty jynystyq zorlyq-zombylyq isteriniń ashylý kórsetkishin arttyrady.
Reforma aıasynda Ulttyq polıtsııa qyzmeti qurylady. Ol eń aýyr qylmystarmen kúreske baǵyttalyp, quramyna Ulttyq qylmysqa qarsy agenttik, terrorızmge qarsy polıtsııa jáne basqa da arnaıy bólimsheler enedi. Qyzmetti ulttyq polıtsııa komıssary basqarady. Ortalyqtandyrý jergilikti bólimshelerdiń júktemesin azaıtady. Al birlesken satyp alýlar jylyna 350 mln fýntqa deıin únemdeýge múmkindik beredi.
Sondaı-aq polıtsııa qyzmetkerlerine qoıylatyn talaptar kúsheıtiledi: búkil mansap boıyna mindetti lıtsenzııalaý engizilip, zorlyq-zombylyq úshin sottalǵan tulǵalarǵa qyzmet etýge tyıym salynady. Mınıstrler tıimsiz jumys istegen basshylardy qyzmetten bosata alady. Barlyq polıtsııa kúshteri úshin biryńǵaı tıimdilik kórsetkishteri belgilenedi. Qalalarda polıtsııa aýyr oqıǵalarǵa 15 mınýtta, aýyldyq jerlerde 20 mınýtta jetýi tıis, al 999 nómirine túsken qońyraýlar 10 sekýndtan aspaıtyn ýaqytta qabyldanýy qajet.
Aıta keteıik, byltyr Shvetsııadaǵy áleýmettik reforma Danııanyń qateligin qaıtalaýy múmkin ekenin jazdyq.
Al jýyrda Pezeshkıan Iranda reforma júrgizýge daıyn ekenin málimdedi.