Ulybrıtanııada shokolad satýshylar kakao baǵasynyń óskenine alańdaýly

ASTANA. KAZINFORM – Álemdik kakao baǵasy klımattyń ózgerýine baılanysty ósip jatyr. Ómir súrý quny da qymbattap barady. Ulybrıtanııadaǵy shokolad satýshylar osy protsesterden zardap shegip otyr, dep habarlaıdy Euronews.

Ulybrıtanııadaǵy shokolad satýshylar kakao baǵasynyń ósip ketkenine narazy. Sebebi, bul satý kórsetkishiniń tómendeýine ákelip otyr.

Klımattyń ózgerýi kakao óndirisine qaýip tóndirip otyr. Ómir súrý qunynyń ósip ketýine baılanysty  brıtandyqtar táttini azyraq tutynýǵa májbúr.

«Eger byltyr jyldy budan aldyńǵy jylmen salystyratyn bolsaq, kakao baǵasy aıtarlyqtaı erekshelenedi. Úlken aıyrmashylyq bar. Meniń tutynýshylarym jergilikti bolǵandyqtan, olar barlyq baǵany jatqa biledi. Sondyqtan men baǵany qatty kótere almaımyn, óıtkeni olardyń baqytty bolǵanyn jáne dúkenge adal bolǵanyn qalaımyn», - deıdi Sandrine Chocolates dúkeniniń ıesi Nııaz Mardan. 

Sońǵy aılarda Saharadan soqqan kúshti jel álemdegi kakao burshaqtarynyń tórtten úsh bóligi óndiriletin Batys Afrıkadaǵy kakao aǵashtarynyń búrshikterin qatty zaqymdaǵan.