Ulybrıtanııada ınternet arqyly jasalatyn alaıaqtyq áreketteri eki esege ósken
ASTANA. KAZINFORM - Ulybrıtanııada ótken jyly alaıaqtyq oqıǵalarynyń sany eki esege jýyq artqan. Aýdıtorlyq kompanııalardyń zertteýlerine sáıkes, jeke jáne zańdy tulǵalar 2,3 mıllıard fýntynan aıyrylyp, san soǵyp qalǵan. Bul sońǵy jıyrma jyldaǵy eń joǵary kórsetkish, dep habarlaıdy Kazinform-nyń osy eldegi menshikti tilshisi Ǵalymjan Qaramanuly.
Kıberalaıaqtardyń arbaýyna túskender kóp. Qylmyskerler bank nemese salyqtanbyz dep habarlasyp, halyqtyń aqshasyn qaǵyp alǵan.
Mamandarynyń málimetterinshe, alaıaqtyqtyń 70 paıyzy áleýmettik jelilerde, onlaın-dúkenderde jáne tanysýǵa arnalǵan qosymshalarda júzege asady. Alaıaqtyq oqıǵalary Londonda jáne Anglııanyń ońtústik-shyǵysynda jıi tirkeledi. Birneshe atyshýly istiń nátıjesinde qylmyskerler qoldy qylǵan jalpy soma ótken jylmen salystyrǵanda 170 paıyzǵa ósip otyr.
Sarapshylardyń pikirinshe, mundaı jaǵdaılar aldaǵy jyly kóbeımese azaımaq emes. Óıtkeni alaıaqtar jasandy ıntellekttiń kómegimen aqsha jymqyrýdyń jańa tásilderin meńgerip jatyr.
