Ulybrıtanııada Eýropa áýejaılaryna kıbershabýyl jasady degen kúdikti qamaýǵa alyndy

ASTANA. KAZINFORM — Birneshe kún boıy Londondaǵy Hıtroý sııaqty birneshe eýropalyq áýejaıdyń jumysyn toqtatqan kıbershabýylǵa qatysty kúdikti qamaýǵa alyndy. Bul týraly BBC agenttigi jazdy. 

Ulttyq qylmys agenttigi 40 jastaǵy er adamnyń Batys Sassekste ustalǵanyn aıtty.

Collins Aerospace ázirlegen jáne birneshe áýe kompanııalary paıdalanatyn bagajdy óńdeý jáne tirkeý júıesindegi aqaýǵa baılanysty júzdegen reıster keıinge qaldyryldy. Keı jaǵdaılarda jolaýshylar qaǵaz ben qalam qoldanyp qolmen tirkeldi.

— Bul qamaýǵa alý oń qadam bolǵanymen, tergeý áli alǵashqy kezeńde, ıaǵnı aıaqtalmaǵan», — dedi UQA-nyń kıberqylmyspen kúres jónindegi ulttyq bóliminiń basshysy Pol Foster.

Aıta keteıik, bul kıbershabýyl Eýropanyń iri áýejaılarynyń jumysyn buzǵan bolatyn.