Ulybrıtanııada elektrondy jeke kýálik engiziledi

ASTANA. KAZINFORM – Ulybrıtanııa premer-mınıstri Kır Starmer juma kúni eldiń barlyq eresek turǵyny úshin mindetti elektrondy jeke kýálikti engizý josparyn jarııalaýdy josparlap otyr, dep habarlaıdy VVS. 

Premer Starmer mundaı mindetti jeke kýálik jumysqa zańsyz ornalasý jáne sáıkesinshe zańsyz kóshi-qonmen kúresýge kómektesedi dep úmittenedi. Úkimet sonymen qatar elektrondy jeke kýálikti jumysqa ornalasý men baspana alýdyń mindetti talaby jáne adamnyń Ulybrıtanııada turý jáne jumys isteý quqyǵyn tekserý quralyna aınaldyrýdy kózdep otyr.

Qazirgi ýaqytta Ulybrıtanııa turǵynynyń jeke basy men mártebesi fızıkalyq qujattar — tólqujat, júrgizýshi kýáligi jáne sheteldik jeke kýálik kartochkasy arqyly tekserilip júr. Degenmen, erekshe jaǵdaılar da bar: mysaly, Ulybrıtanııada breksıtke deıin turǵan Eýroodaq elderiniń azamattary turýǵa yqtııarhatty el EO-dan naqty shyqqannan keıin EU Settlement Scheme onlaın júıesi arqyly tek elektrondy túrde aldy.

Jańa elektrondyq jeke kýáliktiń túri qandaı jáne qandaı fýnktsııalary bar bolatynyn keń qoǵamdyq pikirtalas qorytyndylary arqyly sheshý josparlanyp otyr. Budan basqa, parlament tıisti zań qabyldaýy kerek.

Elektrondyq ІD ıdeıasyn usynyp otyrǵan Labour Together leıborıster taldaý ortalyǵynyń saıtynda ony BritCard dep ataý usynyldy.

- BritCard – bul paıdalanýshynyń smartfonyna júkteletin jáne onyń ımmıgratsııalyq mártebesin rastaý úshin paıdalanylatyn sandyq tekseriletin jeke derekter jıyntyǵy. Ony jumys berýshiler men baspanany jalǵa berýshiler júktep alýǵa qoljetimdi tegin qosymsha arqyly dereý tekserýge bolady, - delingen Labor Together qosymshalarynda.

Usynys avtorlarynyń aıtýynsha, keıinirek elektrondy jeke kýálikke júrgizýshi kýáligi, densaýlyq saqtaý júıesine qoljetimdilik jáne t.b. fýnktsııalardy qosýǵa bolady.