Ulybrıtanııada eki poıyz soqtyǵysyp, bir adam kóz jumdy
ASTANA. KAZINFORM — Ulybrıtanııada eki jolaýshylar poıyzynyń soqtyǵysýy saldarynan bir adam qaza taýyp, taǵy birneshe adam jaraqat aldy. Bul týraly eldiń kólik polıtsııasy habarlady, dep jazady BelTA.
— Bizge birneshe adamnyń zardap shekkeni jáne bir adamnyń kóz jumǵany belgili, — delingen polıtsııa málimdemesinde.
Buǵan deıin The Times gazeti oqıǵa kýágerine silteme jasap, zardap shekkender sany 50-den 100 adamǵa deıin jetýi múmkin ekenin habarlaǵan.
Oqıǵa jergilikti ýaqyt boıynsha shamamen saǵat 17:15–te bolǵan. The Daily Telegraph basylymynyń málimetinshe, eki poıyz da Londondaǵy Sent-Pankras vokzalyna baǵyt alǵan. Olardyń biri Nottıngem, ekinshisi Korbı qalasynan shyqqan.
Aldyn ala málimet boıynsha, birinshi poıyz qaýipsizdik júıesiniń aqaýyna baılanysty toqtaǵan. Bul júıe qyzyl sıgnaldan ótip ketken jaǵdaıda poıyzdy avtomatty túrde tejeıdi. Osydan keıin ekinshi poıyz aldyńǵy quramnyń sońǵy vagonyna soǵylǵan.
Apat Bedford qalasyndaǵy vokzaldan shamamen 4 shaqyrym ońtústikke qaraı jerde bolǵan. Oqıǵaǵa baılanysty atalǵan aýmaqta poıyz qozǵalysy ýaqytsha toqtatyldy.
Eske salaıyq, Ulybrıtanııada áskerı tikushaq apatqa ushyrap, úsh adam qaza tapty.
