Ulybrıtanııada benzın qymbattaǵan soń janarmaı urlyǵy jıilep ketti
ASTANA. KAZINFORM — AQSh pen Iran arasyndaǵy soǵystan keıin janarmaı baǵasynyń kúrt qymbattaýyna baılanysty Ulybrıtanııada júrgizýshiler janarmaı quıý beketterinen kún saıyn shamamen 200 myń fýnt sterlıngtiń janarmaıyn urlaı bastaǵan, dep habarlaıdy BBC.
Forecourt Eye kompanııasynyń málimetinshe, Taıaý Shyǵystaǵy qaqtyǵys ýshyǵa bastaǵannan beri Ulybrıtanııadaǵy janarmaı quıý beketterinen janarmaı urlaý derekteri 20%-ǵa artqan.
Mamandardyń baǵalaýynsha, urlanǵan janarmaıdyń quny aldyńǵy bes aımen salystyrǵanda 48%-ǵa ósip, táýligine orta eseppen 194 myń fýnt sterlıngke jetken. Al urlanǵan janarmaı kólemi 24%-ǵa artyp, kúnine 108,9 myń lıtr.
Taldaý 550 janarmaı quıý beketiniń derekterine negizdelip, el boıynsha 8,3 myńnan astam bekettiń kórsetkishterimen salystyrylǵan.
Sala ókilderi quqyq buzýshylardy anyqtaý úshin bet-álpetti taný júıesin keńinen engizýdi josparlap otyr. Kúzden bastap 2 myńnan astam janarmaı quıý beketiniń ıesi qylmystardy tirkeý júıesine tegin qol jetkizedi.
Sarapshylar urlyqtyń kóbeıýin Taıaý Shyǵystaǵy qaqtyǵys saldarynan munaı jetkizilimderiniń buzylyp, janarmaı baǵasynyń qymbattaýymen baılanystyrady.
Benzın baǵasy sáýir aıynda eń joǵary deńgeıge jetip, maýsymda AQSh pen Iran qaqtyǵysty toqtatý jónindegi negizdemelik kelisimge kelgennen keıin tómendeı bastaǵan edi. Alaıda beıbit kelissózder sátsiz aıaqtalǵan soń janarmaı baǵasy qaıtadan ósti.
Ótken aptada Ulybrıtanııada benzın baǵasy Taıaý Shyǵystaǵy qaqtyǵys bastalǵaly bergi eń joǵary deńgeıge jáne 2022 jyldan bergi rekordtyq kórsetkishke jetti.
Demalys kúnderi Ulybrıtanııanyń jańa qarjy mınıstri Djon Hılı úkimet bólshek saýdagerlerdiń baǵany negizsiz kóterý jaǵdaılaryn muqııat qadaǵalaıtynyn málimdedi.
Buǵan deıin Qytaıda benzın men dızel otynynyń baǵasy kóteriletini habarlanǵan bolatyn.
Sondaı-aq Qazaqstannan janarmaıdy zańsyz shyǵarýdyń 392 deregi anyqtalǵan edi.
