Ulybrıtanııada avtobýsta mýzykanyń daýsyn dańǵyrlatqandarǵa aıyppul salynbaq
ASTANA. KAZINFORM — Anglııadaǵy barlyq mýnıtsıpalıtetke avtobýsta júrý erejelerin buzǵan jolaýshylarǵa 100 fýnt sterlıngke (60 000 teńge) deıin aıyppul salýǵa múmkindik beretin resmı nusqaýlyq berildi Kazinform agenttiginiń Londondaǵy menshikti tilshisi.
Atap aıtqanda, qatty mýzyka oınatý, beınelerdi qulaqqapsyz kórý, veıpıng, qoqys tastaý jáne qorqytý áreketteri aıyppul salýǵa negiz bolmaq. Avtobýs júrgizýshileri jańa sharalardyń oryndalýyna jaýapty bolmaıdy. Ereje buzǵandarmen kólik ınspektorlary men polıtsııa aınalysady.
Tártip buzýshyǵa aldymen erejeler jáne olardyń basqa jolaýshylarǵa áseri túsindiriledi. Eger adam bul erejeni oryndaýdan bas tartsa, qyzmetkerler shara qoldanyp, aıyppul salýy múmkin.
Jolaýshylarǵa poıyzdarda qulaqqap taǵý usynylady.
Sonymen qatar Ulybrıtanııada qulaqqapsyz mýzyka tyńdamaýǵa, beınerolık kórmeýge jáne basqalardy mazalamaýǵa shaqyratyn búkilulttyq naýqan bastaldy.
«Shý emes, vagon ortaq» dep urandatqan naýqan aıasynda jolaýshylarǵa poıyzda qulaqqap taǵý jaıly eskertiledi. Temirjol kompanııalarynyń saıttarynda jáne áleýmettik jelilerde, vagondarda jáne stantsııalarda da eskertpeler ilinedi. Plakattar men habarlandyrýlar qoldanylady.
Eger jolaýshy ýákiletti qyzmetkerdiń ótinishin elemese, ony kelesi stantsııada poıyzdan túsirýi múmkin. Keıbir jaǵdaılarda 1000 fýnt sterlıngke (600 000 teńge) deıin aıyppul salynady.
Buǵan deıin Eýroparlament jolaýshylardyń quqyqtaryn kúsheıtýdi maquldaǵanyn habarlaǵan edik.
