Ulybrıtanııada áýe qozǵalysyn basqarý júıesindegi aqaýdan 2 myń reıs toqtatyldy
ASTANA. KAZINFORM – Ulybrıtanııada áýe qozǵalysyn basqarý júıesiniń birneshe saǵatqa isten shyǵýyna baılanysty 2 myńǵa jýyq reıs toqtatyldy, dep habarlaıdy Reuters agenttigi.
Áýe qozǵalysyn basqarý júıesiniń operatory NATS júıesindegi tehnıkalyq aqaý jappaı keshigýler men reısterdiń toqtatylýyna sebep bolǵan. Saldarynan júzdegen myń jolaýshy sapar barysynda qıyndyqqa tap boldy.
Júıe qalpyna keltirilgennen keıin iri áýejaılarda reıster qaıta oryndala bastady. Alaıda aqaýdyń saldary sársenbi, 9 qyrkúıekte de saqtaldy. Ushaqtar men ekıpajdardyń tıisti áýejaılarda bolmaýy reıster kestesine áserin jalǵastyrdy.
Ulybrıtanııa úkimeti NATS kompanııasyna oqıǵanyń sebepterin anyqtaý úshin tergeý júrgizýge bir apta ýaqyt berdi. Sonymen qatar bılik avıatsııa salasyndaǵy retteýshi organǵa táýelsiz tekserý júrgizýdi tapsyrdy.
Reuters málimetinshe, júıedegi aqaý áýe kompanııalaryna mıllıondaǵan fýnt sterlıng shyǵyn keltirgen.
Eske sala ketsek, buǵan deıin Almaty – London baǵyty boıynsha ushqan reıstiń Frankfýrtke baǵyttalǵany habarlanǵan.
