Ulybrıtanııada atom súńgýir qaıyǵynan órt shyqty

ASTANA. KAZINFORM – Ulybrıtanııadaǵy BAE Systems atomdyq súńgýir qaıyǵynyń jóndeý jumystaryn júrgizetin ornyna órt shyqty, dep habarlaıdy BBC. https://t.me/bbcrussian/72179

Brıtandyq atomdyq súńgýir qaıyqtar salynatyn Barroý-ın-Fernestegi oqıǵa ornyna shuǵyl qyzmet jergilikti ýaqyt boıynsha saǵat 00:44 shamasynda shaqyryldy.

Órt saldarynan eki adam zardap shekti, olar aýrýhanaǵa jetkizildi.

Polıtsııanyń málimdeýinshe, «ıadrolyq qaýip joq». Alaıda jergilikti turǵyndarǵa úıden shyqpaýǵa jáne terezeni ashpaýǵa keńes berildi.

BAE Systems — Ulybrıtanııanyń eń iri qorǵanys kompanııasy jáne álemdegi eń ir kompanııalardyń biri.

Barroý-ın-Fernestegi BAE Systems – Eýropada kólemi jaǵynan ekinshi orynda turǵan jabyq keme qurastyrý kesheni. Qazirgi kezde onda tórt atomdyq súńgýir qaıyq salynyp jatyr.

Buǵan deıin Ulybrıtanııa barlyq qurylǵylardy USB-C arqyly qýattaýǵa mindetteýi múmkin ekeni týraly jazdyq.