Ulybrıtanııada alty aıaǵy bar mysyq dúnıege keldi

ASTANA. KAZINFORM — Veterınarlardyń aıtýynsha, bul analyq qursaǵynda bir embrıon ekinshisin ishinara jutyp qoıatyn sırek qubylys, dep habarlaıdy dailymail. 

Bul jaǵdaı «fetaldy jutylý» dep atalady - bir egizdiń damýy toqtap, ekinshisiniń denesimen ishinara birigetin óte sırek qubylys. Mono laqap aty bar mysyqtyń qazir qosymsha eki aıaǵy qarnynan salbyrap tur.

Norvıchtegi klınıkada janýardy emdep jatqan veterınar bul qosymsha aıaqtardyń ishki aǵzalarǵa qosylmaǵanyn jáne mysyqtyń densaýlyǵyna qaýip tóndirmeıtinin aıtty. Olar jaı ǵana terige jabysyp tur jáne bolashaqta hırýrgııalyq jolmen joıylýy múmkin.

—Bul — oqýlyqtarda oqıtyn erekshe jaǵdaılardyń biri, biraq óte sırek kezdesedi, — deıdi maman.

Qazirgi ýaqytta Mono ózin jaqsy sezinedi, qalypty tamaqtanady jáne qozǵalýda eshqandaı problema joq. Onyń ıesi janýarǵa yńǵaısyzdyq týdyrmasa, artyq aıaqtaryn alyp tastaýdy josparlamaıtynyn aıtty.

—Ol qazirdiń ózinde jergilikti tanymaldyqqa ıe boldy. Biz ony sol qalpynda jaqsy kóremiz, - deıdi ol.

Eske sala keteıik, Qazaqstan ǵalymdarynyń jetistikteri Ulybrıtanııadan shyǵatyn bedeldi jýrnalda jarııalandy.