Ulybrıtanııada alǵashqy aerotaksı 2029 jyly iske qosylmaq

ASTANA. KAZINFORM — Vertical Aerospace kompanııasy Ulybrıtanııadaǵy alǵashqy áýe taksı qyzmetin 2029 jyldyń basynda iske qosatynyn habarlady, dep jazdy BELTA.

– Vertical Aerospace búgin … Londonnyń iskerlik aýdany Kanerı-Ýorften iri kólik toraptaryna deıingi alǵashqy aerotaksı baǵyttaryn iske qosý josparyn jarııalady, – delingen brıtandyq kompanııanyń baspasóz habarlamasynda.

Kanerı-Ýorften Hıtroý jáne Gatvık áýejaılaryna, sondaı-aq Kembrıdj ben Oksford qalalaryna jetýge bolady. Jobany Skyports Infrastructure jáne Bristow Group kompanııalarymen birlesip júzege asyrý josparlanǵan. Málimdemede bul baǵyttarǵa qajetti kólik ınfraqurylymynyń tolyq kólemde qurylatyny aıtylǵan.

Aerotaksı retinde tórt jolaýshyǵa arnalǵan elektrlik Valo tikushaǵy paıdalanylmaq. Onyń bir retki zarıadpen 160 km-den astam qashyqtyqty shamamen 240 km/saǵ jyldamdyqpen eńsere alatyny aıtyldy. 2030 jylǵa qaraı Vertical Aerospace kompanııasy osyndaı 175 tikushaq shyǵarýdy josparlap otyr.

Al Dýbaıda áýe taksıi 2026 jyly iske qosylady.