Ulybrıtanııa júzdegen memlekettik organdy jabýdy josparlap otyr

ASTANA. KAZINFORM — Ulybrıtanııa «jahandyq turaqsyzdyqtyń jańa dáýirinde» shyǵyndardy azaıtý jáne ónimdilikti arttyrý maqsatynda memlekete reformalar júrgizip, júzdegen memlekettik táýelsiz organdy jabýy múmkin ekenin málimdedi.

AZERTADJ habarlaǵandaı, Ulybrıtanııada júzdegen quangos nemese kvazıavtonomdy úkimettik emes uıymdar bar. Olardy salyq tóleýshiler qarjylandyrady, biraq uıymdardy mınıstrler baqylamaıdy. Olardyń qataryna Health and Safety Executive, Network Rail jáne Migration Advisory Committee tárizdi memlekettik organdar jatady, dep habarlaıdy Reuters.

Qazir Ulybrıtanııa shyǵyndardy azaıtý rejımine endi. Sebebi Qarjy mınıstri Reıchel Rıvz AQSh prezıdenti Donald Tramp engizgen tarıfterdiń saldarymen kúresý barysynda fıskaldyq erejelerdi saqtaýǵa barynsha tyrysyp jatyr.

Úkimet jahandyq turaqsyzdyq bıýrokratııany reformalaýda onyń «ári qaraı alǵa qadam basýyna jáne jyldam júrýine» týra keletinin eskertti.

Ótken aıda premer-mınıstr Kır Starmer NHS England-ti (Densaýlyq saqtaý júıesin baqylaıtyn organ — red.) taratyp, onyń fýnktsııalaryn memlekettik densaýlyq saqtaý departamentine qaıtaryp jatqanyn aıtty. Osylaısha ol júzdegen mıllıon fýnt sterlıng qarajatty únemdemek.

Buǵan deıin Tramptyń tarıfteri Azııa men Eýropa naryǵynyń quldyraýyna sebep bolǵany aıtyldy.