Ulybrıtanııa jasóspirimderge áleýmettik jelige túngi «komendanttyq saǵat» engizedi
ASTANA. KAZINFORM — Ulybrıtanııa úkimeti 16–17 jastaǵy jasóspirimder úshin áleýmettik jelilerdi paıdalanýǵa qatysty erikti túngi shekteýler engizetinin málimdedi, dep habarlaıdy Kazinform agenttigi.
Jańa bastamaǵa sáıkes, túngi saǵat 00:00–den 06:00–ge deıin paıdalanýshylardyń áleýmettik jelide uzaq otyrýyna yqpal etetin fýnktsııalar ádepki boıynsha óshiriledi. Olardyń qatarynda beınerolıkterdiń avtomatty túrde oınatylýy jáne úzdiksiz jańartylatyn jekelendirilgen jańalyqtar taspasy bar.
Alaıda bul «komendanttyq saǵat» mindetti bolmaıdy jáne paıdalanýshy ony óshire alady.
Bılik ókilderiniń aıtýynsha, bul bastama jasóspirimderdiń zeıinin jaqsartyp, uıqy sapasyn arttyrýǵa ári otbasymen ótkizetin ýaqytyn kóbeıtýge yqpal etedi.
Bul shara maýsym aıynda jarııalanǵan 16 jasqa tolmaǵan balalardyń áleýmettik jelilerdi paıdalanýyna qoıylǵan shekteýlerdiń jalǵasy sanalady. Ol kezde Snapchat, TikTok, YouTube, Instagram, Facebook jáne X platformalaryna qatysty shekteýler engizilgen bolatyn.
Aıta ketelik EO-da 13 jasqa deıingi balalardyń áleýmettik jelilerge qoljetimdiligin shekteý usynylǵan edi.
