Ulybrıtanııa Ýkraınadaǵy bitimgershilik mıssııasyna qatysatyn eriktiler izdeıdi
ASTANA.KAZINFORM - Ulybrıtanııa bitimgershilik kelisimge qol jetkizilgen jaǵdaıda Ýkraınaǵa qoldaý kórsetetin «nıettiler koalıtsııasyn» quryp jatyr, biraq barlyq elder ásker jiberýge daıyn emes, dep habarlaıdy Kazinform tilshisi.
Senbi, 15 naýryzda Ulybrıtanııa premer-mınıstri Kır Starmer Reseı men Ýkraına arasyndaǵy qaqtyǵysty beıbit jolmen sheshýge kómektesýge daıyn elderdiń basshylarymen onlaın kezdesý ótkizedi. Ol bitimgershilik mıssııasy týraly belsendi pikirtalas aıasynda ótedi.
Starmer «nıettiler koalıtsııasyna» negizinen Eýropa elderi men Ulttar Dostastyǵy múshelerin, Ulybrıtanııa men onyń burynǵy kolonııalaryn qamtıtyn memleketter tobyn jınap jatyr.
Qatysýshylardyń túpkilikti tizimi áli anyqtalǵan joq, biraq brıtan bıliginiń málimetinshe, 20-ǵa jýyq memleket soǵys qımyldary toqtatylǵan jaǵdaıda Ýkraınaǵa qoldaý kórsetý nusqalaryn talqylap jatyr.
Buǵan deıin Ulybrıtanııa men Frantsııa bitimgershilik kelisimniń oryndalýyn baqylaý úshin Ýkraınaǵa ásker jiberýge daıyn ekendikterin málimdegen. Bul kúshterge qalalar men strategııalyq mańyzdy nysandardyń, sonyń ishinde elektr stantsııalarynyń qaýipsizdigin qamtamasyz etý mindeti júkteledi, dep jazady Financial Times gazeti.
Alaıda, «nıettiler koalıtsııasynyń» barlyq músheleri óz áskerin jiberýge kelise bermeıdi. Mysaly, Polsha logıstıkalyq qoldaý kórsetýge daıyn ekenin bildirdi, al basqa elder kómek formatyn áli sheshken joq. Kóptegen elder resmı beıbit kelisimge qol qoıýdy jáne AQSh-tyń jaýabyn kútip otyr.
Starmer bitimgershilik kelisiminiń sharttaryn oryndaý boıynsha áskerı mıssııanyń tabysty bolýy Amerıka Qurama Shtattarynyń qoldaýyna, sonyń ishinde áýe qorǵanysy men barlaý monıtorıngine baılanysty ekenine senimdi. Alaıda prezıdent Donald Tramp bul ıdeıany qoldamady.
Tramp sonymen birge soǵysty toqtatýdy talap etip, Kıevke áskerı kómek pen aqparat almasýdy toqtatýǵa qysym jasady. Buǵan jaýap retinde Ulybrıtanııa men Frantsııa Vashıngtonǵa usynylýy múmkin beıbitshilik josparyn ázirleýge tyrysyp jatyr.
Buǵan deıin Reseı syrtqy ister mınıstri Sergeı Lavrov NATO áskerleriniń Ýkraınaǵa kirý múmkindigine alańdaýshylyq bildirip, muny alıanstyń qaqtyǵysqa tikeleı aralasýy retinde qabyldaýǵa bolatynyn atap ótti, dep jazady TASS.
Buǵan deıin Saýd Arabııasynda Ýkraına-Amerıka kelissózderi ótip jatqany, onyń barysynda Ýkraına AQSh-qa Reseımen ishinara atysty toqtatý josparyn usynatyny habarlanǵan bolatyn.