Ulybrıtanııa tarıhynda alǵash ret korol astronomy qyzmetine áıel taǵaıyndaldy

ASTANA. KAZINFORM — Ulybrıtanııada alǵash ret korol astronomy laýazymyna áıel adam — professor Mıshel Doertı taǵaıyndaldy, dep habarlaıdy AZERTADJ.

Mıshel Doertı bul qyzmetke lord Martın Rız zeınetke shyqqannan keıin keldi. Ol korol astronomy bolyp 30 jyl boıy jumys istegen.

Korol astronomy laýazymy 1675 jyly qurylǵan. Alǵashqy kezde bul qyzmet ıesi teńiz navıgatsııasyn juldyzdarǵa qarap júrgizý máselelerimen aınalysqan. Keıinirek bul laýazym rásimdik sıpatqa ıe boldy. Qazirgi tańda korol astronomy monarhqa ǵarysh salasyndaǵy jańa ǵylymı jańalyqtar týraly habarlap otyrady.

Mıshel Doertı — Londondaǵy Imperııalyq kolledjdiń astrofızıka salasyndaǵy professory. Onyń ǵylymı qyzyǵýshylyǵy kún júıesindegi alyp gazdy planetalardy — Satýrn men ıÝpıterdi zertteýge baǵyttalǵan. Ol osy ǵalamsharlardyń magnıt óristeriniń ózara árekettesýi, Satýrnnyń Entselad atty seriginiń aınalasyndaǵy sý býyn anyqtaý jáne ıÝpıterge avtomatty túrde planetaralyq stantsııalardy jiberý jobalarymen aınalysqan.

Buǵan deıin ǵalymdar jerden 35 jaryq jyly qashyqtyqta ornalasqan, tirshilikke qolaıly bolýy múmkin jańa planetany anyqtaǵany habarlanǵan. Bul planeta qyzyl ergejeıli juldyzdyń aınalasynda ornalasqan bes planetanyń biri. Al eń alysy juldyzdan dál jer kúnnen alatyn energııa shamasynda jylý alady.

Osydan buryn Ulybrıtanııada úsh adamnyń DNQ-sy bar 8 saý sábı dúnıege kelgenin jazǵanbyz.