Ulybrıtanııa semizdikpen kúresýge arnalǵan dárini synaqtan ótkizedi
LONDON. KAZINFORM - Birikken Koroldik semizdikke shaldyqqan naýqastardyń jumysqa qaıta oralýyna kómektesý úshin salmaq azaıtýǵa arnalǵan dárini synaqtan ótkizýge daıyndalyp jatyr, dep habarlaıdy Kazinform tilshisi.
Ulybrıtanııanyń densaýlyq saqtaý mınıstri Ýes Strıtıng qant dıabeti aýrýyn emdeıtin jáne salmaq joǵaltýǵa kómektesetin Eli Lilly kompanııasy shyǵarǵan ınektsııalyq Mounjaro preparatyn synaqtan ótkizý josparyn jarııalady.
Buǵan deıin de Mounjaro jaqsy nátıjeler kórsetti. Jaqynda JAMA Internal Medicine jýrnalynda jarııalanǵan zertteýge sáıkes bul dáriniń danııalyq Novo Nordisk farmatsevtıkalyq kompanııasy shyǵarǵan Ozempic jáne Wegovy sııaqty básekeles preparattarmen salystyrǵanda tıimdirek ekendigi anyqtaldy.
Strıtıng semizdiktiń ekonomıkalyq jáne medıtsınalyq turǵyda úlken shyǵyndar ákeletinin atap ótip, osy dertke shaldyqqan naýqastardyń jyl saıyn tórt kún jumysqa shyqpaıtynyn alǵa tartty. Nátıjesinde Ulttyq densaýlyq saqtaý júıesine jylyna 11 mıllıard fýnt sterlıng qarjylyq shyǵyn keledi.
Ulybrıtanııa úkimeti salaýatty ómir salty daǵdylaryn qalyptastyrýǵa da erekshe mán berýde. Mysaly, balalarǵa arnalǵan zııandy taǵamdardy jarnamalaýǵa tyıym salyp otyr.
Úkimettiń 2023 jylǵy málimetterine sáıkes, eresekterdiń tórtten birinen astamy semizdikpen aýyrǵan. Dúnıejúzilik densaýlyq saqtaý uıymynyń 2022 jylǵy esebinde Ulybrıtanııa semizdik deńgeıi boıynsha Eýropada Maltadan keıin ekinshi orynda tur dep jazylǵan.
