Ulybrıtanııa Reseıge qarsy sanktsııalar tizimin keńeıtti

ASTANA. KAZINFORM — Ulybrıtanııa bıligi Reseıge qatysty engizilgen sanktsııalar tizimin keńeıtti. Bul týraly Ulybrıtanııa Qarjy mınıstrliginiń resmı saıtynda habarlandy, dep jazdy lenta.ru.

Mınıstrliktiń málimetine sáıkes, konsolıdtalǵan tizimge 30 jazba qosyldy: 27 zańdy jáne úsh jeke tulǵa.

Sonymen qatar, «KSRO-nyń 50 jyldyǵy atyndaǵy Brıansk hımııalyq zaýyty» men hımııalyq ónerkásip kásiporny «Anozıtke» qatysty shekteýler engizildi.

Budan bólek, shekteýler kondensator óndirýshi «Elekond» AQ, «Ikar» tájirıbelik-konstrýktorlyq bıýrosy AQ jáne optoelektrondy tehnıka óndirýshi «Proton» AQ-ǵa da taraldy.

Reseıge qarsy sanktsııalar týraly Japonııanyń Qarjy mınıstrligi de habarlady. El Ýkraınadaǵy jaǵdaıǵa baılanysty Reseıdiń 52 uıymy men 10 azamatyna shekteý qoıdy.

Japonııa sanktsııasyna, atap aıtqanda, balalar lageri «Artek», Ahmat-Hadjı Qadyrov atyndaǵy qor jáne onyń prezıdenti Aımanı Qadyrova ilikti.

Sonymen qatar, sanktsııalar aıasynda «Ýral» avtozaýyty, Arzamas mashına jasaý zaýyty, Áskerı-ónerkásiptik kompanııa, Brıansk avtozaýyty, «Remdızel», Lıpetsk mehanıkalyq zaýyty, «Inkoteh» kompanııasy, «Transkonteıner», Týla qarý-jaraq zaýyty, «Bazalt» ǵylymı-óndiristik birlestigi, «Prıbor», «Iskra» jáne basqa da kásiporyndar qamtyldy.

Aıta keteıik, EO Reseıge qarsy 19-shy sanktsııalar paketin talqylaý úshin AQSh-qa delegatsııa jibergen edi.