Ulybrıtanııa premer-mınıstriniń cátsizdikterge toly alǵashqy 100 kúni
LONDON. KAZINFORM – Kır Starmerdiń premer-mınıstr retindegi alǵashqy 100 kúni ishki qaqtyǵystarǵa toly bolyp, jaqtastarynyń azaıýymen este qaldy, dep habarlaıdy Kazinform tilshisi.
Saıasatkerdiń reıtingisi 33-ke deıin túsip ketti. Osylaısha Leıborıster basty qarsylasy konservatorlardan 1 tarmaqqa ǵana ilgeri tur. Leıborısterge daýys bergen halyqtyń jartysyna jýyǵynyń úkimettiń qazirgi jumysyna kóńili tolmaıdy. Olar ózderin aldanǵandaı sezinedi.
Starmerdiń sátsizdikterge ushyraýynyń basty sebebi — bıliktegilerdiń ózara ishki kúresi boldy. Bedeliniń tómendeýine, ásirese premer-mınıstr keńsesiniń basshysy Sıý Greıdi aýystyrý týraly sheshim áser etti. Greı, 30 jyldan astam úkimettik tájirıbesi bar maman. Onyń Starmerge oppozıtsııadan premer-mınıstrlikke ótýge kómektesý úshin shaqyrylǵany belgili.
Alaıda Greıdiń Daýnıng-strıttegi jumysyna Starmerdiń komandasy narazy boldy. Nátıjesinde úkimet basshysy Greıdi qyzmetinen bosatyp, onyń ornyna Leıborısterdiń saılaýdaǵy jeńisine úlken úles qosqan saıası strateg Morgan Maksvınıdi taǵaıyndady.
Maksvını saıası naýqandarǵa basshylyq etýde óte tájirıbeli bolǵanymen, Greı sııaqty úkimet bıýrokratııasyn tereń túsine almaıdy. Sáıkesinshe onyń Daýnıng-strıtti tıimdi basqara alatyndyǵyna kúmán týdyrady. Onyń taǵaıyndalýy Starmerdiń saıası adaldyq pen strategııalyq ustanymdardy úkimettik tájirıbeden joǵary qoıǵanyn kórsetedi.
Іshki daýlar halyqtyń ashýyn týǵyzdy. Eger Starmer óz komandasyn basqara almasa, memleketke qalaı basshylyq etedi degen kúmán paıda boldy. Páter jaldaýshylardy qoldaý jáne josparlaý reformalary sııaqty úkimettiń oń bastamalary Daýnıng-strıttegi daýlardyń kóleńkesinde qalyp qoıdy.
Starmerdiń abyroıyn aırandaı tógip otyrǵan taǵy birneshe faktor — eldegi ómir súrý qunynyń ósýi men densaýlyq saqtaý júıesindegi olqylyqtar. Kópshilik saıasatkerden batyl qadamdar kútkenimen Starmer asa saqtyqpen áreket etip, halyqtyń senimine kóleńke túsirip otyr. Jaqynda ótetin ınvestıtsııalyq sammıt pen bıýdjettik talqylaýlar aldynda Starmer halyqty ózine qarata alýy kerek, biraq oǵan deıin az ǵana ýaqyt qaldy.
