Ulybrıtanııa ózbekter úshin maýsymdyq jumys kvotasyn ulǵaıtady

TAShKENT. KAZINFORM - Ulybrıtanııadaǵy rekrýtıngtik kompanııalardyń ókilderimen onlaın kezdesý uıymdastyryldy, dep habarlaıdy Kazinform Ózbekstan Mıgratsııa agenttiginiń baspasóz qyzmetine silteme jasap. 

Dıalog Mıgratsııa agenttigi, Halyqaralyq mıgratsııa agenttigi (MOM), Ulybrıtanııanyń Seasonal Workers Scheme (SWS) jobasy aıasynda jumys isteıtin resmı operatorlar jáne olardyń qyzmetin úılestiretin ALP (Jumys kúshin jetkizýshiler qaýymdastyǵy), GLAA (Eńbek quqyǵyn qorǵaý jónindegi uıym) bastamasymen uıymdastyryldy. 

Oǵan Ózbekstanmen jumys isteıtin eki brıtandyq kompanııamen birge «Agri-HR-Ltd», «Fruitful jobs LTD», «Concordia Charity» sııaqty jańa rekrýtıngtik uıymdardyń basshylary da tartyldy.

Ulybrıtanııadaǵy maýsymdyq jumysqa ózbekterdi tartý tetikteri jan-jaqty talqylandy. Bul rette úmitkerlerdi tabý, irikteý jáne emtıhan alý úderisterin ashyq uıymdastyrý mańyzdy ról atqaratyny atap ótildi.

Agenttik basshylyǵy Ulybrıtanııadaǵy Ózbekstanmen jumys istegisi keletin barlyq rekrýtıngtik operatormen kelisimshartqa otyryp, el azamattaryna bólinetin kvotalar sanyn kóbeıtýge kelisti.

Eske sala keteıik, Bıyl Ózbekstanda 200 myń azamat shetelge jumysqa jiberilýi múmkin.