Ulybrıtanııa Ózbekstandaǵy kópsalaly medıtsınalyq ortalyqtardy basqarýy múmkin

ASTANA. KAZINFORM — Ózbekstan elshisi Ravshan Ýsmonov brıtandyq International Hospitals Group kompanııasynyń bas dırektory Chester Kıngpen onlaın kezdesý ótkizdi, dep habarlaıdy Dunyo.

Kezdesý barysynda Ózbekstan prezıdenti Shavkat Mırzıeevpen IV Tashkent halyqaralyq ınvestıtsııalyq forýmy aıasyndaǵy kezdesýde qol jetkizilgen kelisimderdiń oryndalý barysy qaraldy.

Brıtandyq kompanııanyń emhana salý jospary, sondaı-aq Ózbekstandaǵy kópsalaly medıtsınalyq ortalyqtardy memlekettik-jekemenshik áriptestik negizinde basqarý máseleleri talqylandy.

International Hospitals Group densaýlyq saqtaý nysandaryn jobalaıdy, salady, jabdyqtaıdy jáne basqarady. Kompanııa 1972 jyly qurylǵan. International Hospitals Group álemniń 55 elinde bar.

Eske sala keteıik, Ózbekstan halqynyń sany 38 mıllıonǵa jetti.