Ulybrıtanııa men Japonııa 24 mlrd dollar ınvestıtsııalar týraly kelisti
ASTANA. KAZINFORM — Ulybrıtanııa men Japonııa shamamen 24 mlrd dollar somasyna ınvestıtsııalyq kelisim ornatty, dep habarlaıdy BBC.
London jańa salym ınfraqurylym, energetıka jáne joǵary tehnologııalyq salalardyń damýyn jedeldetýge kómektesip, sondaı-aq myńdaǵan jumys ornyn ashady dep sanaıdy.
Kelisim týraly Ulybrıtanııa premer-mınıstri Kır Starmer men Japonııa premer-mınıstri Sanae Takaıtıdiń kezdesýinen keıin belgili boldy.
Japondyq kompanııalar Birikken Koroldiktiń ınfraqurylymdyq jobalary men qarjy sektoryna 12 mlrd dollardan astam ınvestıtsııa salýdy josparlap otyr. Taǵy shamamen 12 mlrd dollar teńizdegi jel energetıkasyn damytýǵa baǵyttalýy múmkin.
Starmer qol jetkizilgen kelisimderdi eki el arasyndaǵy ekonomıkalyq yntymaqtastyqtyń jańa taraýynyń bastamasy dep atady.
Jobalarǵa qatysýǵa daıyn kompanııalar qatarynda Mitsubishi Estate, Mitsui Fudosan jáne Nomura Real Estate bar.
London men Tokıo sondaı-aq Italııa qatysyp jatqan GCAP ozyq joıǵysh ushaqtar birlesken baǵdarlamasyna qatysty mindettemelerin rastady.
Budan basqa, brıtandyq Rolls-Royce kompanııasy men Japonııanyń atom energııasy jónindegi agenttigi kelesi býyn ıadrolyq tehnologııalaryn ázirleý týraly yntymaqtastyq ornatýǵa kelisti. Seriktestik eki el arasyndaǵy ǵylymı zertteýler, baǵdarlamalyq sheshimder jáne óndiristik múmkindikterdi biriktirýdi kózdeıdi.
Japonııa premer-mınıstri Ulybrıtanııanyń Tokıo úshin eń mańyzdy halyqaralyq seriktesterdiń biri bolyp qala beretinin atap ótti.
Kelisim brıtandyq ekonomıka ósimniń baıaýlaýyna tap bolǵan kezeńde jarııalandy. Birinshi toqsanda JІÓ-niń 0,6%-ǵa ósýine qaramastan, sarapshylar aldaǵy aılarda qalypty ósimdi kútip otyr. Inflıatsııalyq qysym men álemdik naryqtardaǵy turaqsyzdyq qosymsha táýekelder bolyp qala beredi.
Osyǵan deıin Japonııa Qazaqstanda iri ınvestor elderdiń ondyǵyna kiretini habarlandy.
