Ulybrıtanııa men Eýroodaq qorǵanys paktine qol qoıdy
ASTANA.KAZINFORM — Ulybrıtanııa men Eýroodaq qorǵanys jáne qaýipsizdik salasynda yntymaqtastyq ornatýǵa kelisti, dep habarlaıdy Kazinform agenttiginiń tilshisi.
«Eýroodaq pen Ulybrıtanııa qaýipsizdigi jáne qorǵanys seriktestigi» degen ataýǵa ıe boǵan qorǵanys paktisi jalpyeýropalyq qaýipsizdikti, sonyń ishinde teńiz jáne ǵarysh qaýipsizdigin, gıbrıdti qaýipterge qarsy turýdy, mańyzdy ınfraqurylymdy qorǵaýdy, zańsyz kóshi-qonmen, qarjylyq qylmyspen jáne úshinshi elderdegi sybaılas jemqorlyqpen kúresýdi kózdeıdi. Áriptestik birlesken jobalar men qorǵanys ónerkásibine ınvestıtsııa salýdy keńeıtýge de jaǵdaı jasaıdy.
Sonymen qatar, EO-nyń Syrtqy ister jónindegi Joǵarǵy ókili men Ulybrıtanııanyń Syrtqy ister jáne qorǵanys mınıstrleri arasynda jarty jyl saıyn turaqty konsýltatsııalar ótkizilip turady. Qajet bolǵan jaǵdaıda taraptar bir-birin joǵary deńgeıli kezdesýlerge shaqyrady.
— Ulybrıtanııa men EO Reseı men Ýkraına, Qara teńizdi, Batys Balqandy, Arktıkany, Taıaý Shyǵysty, Afrıkany, atap aıtqanda, Afrıka múıizi men Sahel jáne Úndi-Tynyq muhıty sııaqty keń Shyǵys Eýropalyq kórshiles aýmaqtar sııaqty basqa basym aımaqtarda odan ári árekettesý jáne yntymaqtastyq múmkindikterin zertteıdi. Ortaq maqsattardy qoldaý úshin EO men Ulybrıtanııa sanktsııalyq saıasat boıynsha yntymaqtastyqty jalǵastyrady, — delingen dúısenbi kúni Londonda ótip jatqan Ulybrıtanııa men EO sammıtinde maquldanǵan qujatta.
Sondaı-aq qujatta Eýropalyq Odaqtyń syrtqy saıasat qyzmeti men Ulybrıtanııanyń tıisti departamentteriniń qatysýymen qorǵanys jáne qaýipsizdik máseleleri boıynsha jyl saıynǵy dıalog ótkizý qarastyrylǵan. Sonymen qatar, kıberqaýipter, lańkestikpen kúres jáne qarý-jaraqty baqylaý máseleleri boıynsha taqyryptyq konsýltatsııalar josparlanǵan.
Qujat EO mıssııalary men úshinshi elderdegi Ulybrıtanııa elshilikteri arasyndaǵy áriptestik erejelerin júzege asyrýǵa qatysty máseleler boıynsha is-qımyldardy úılestirýdi kózdeıdi.
— Ulybrıtanııa men EO yntymaqtastyqty nyǵaıtady jáne kópjaqty máseleler boıynsha, sonyń ishinde BUU, EQYU jáne Eýropa Keńesine qatysty taqyryptardy qosa alǵanda, úshinshi elderde demokratııany, zań ústemdigin jáne adam quqyqtaryn ilgeriletý maqsatynda turaqty konsýltatsııalar ótkizedi — delingen qujatta.
Buǵan deıin AQSh pen Iran arasyndaǵy ıadrolyq kelissózder sátsiz aıaqtalýy múmkin ekeni habarlaǵan bolatyn.