Ulybrıtanııa koroli III Charlz AQSh-qa saparlaıdy

ASTANA. KAZINFORM — Bul sapar Ulybrıtanııa men Qurama Shtattar arasyndaǵy tarıhı baılanystardy nyǵaıtý jáne ekijaqty yntymaqtastyqty damytýǵa baǵyttalady, delingen koroldik otbasynyń resmı málimdemesinde, dep habarlaıdy Kazinform agenttiginiń Londondaǵy menshikti tilshisi. 

AQSh táýelsizdiginiń aldaǵy 250 jyldyǵyna erekshe nazar aýdarylady, bul saparǵa qosymsha sımvoldyq mán beredi. Aldyn ala málimet boıynsha, sapar sáýir aıynyń sońynda ótedi. 
Bul sapar ІІІ Charlzdiń Qurama Shtattarǵa alǵashqy memlekettik sapary bolmaq. II Elızaveta buǵan deıin elge memlekettik saparmen tórt ret barǵan — 1957, 1976, 1991 jáne 2007 jyldary. Qazirgi monarh taqqa otyrǵanǵa deıin Ýels hanzadasy retinde AQSh-qa 19 ret barǵan, sonyń ishinde resmı saparlar da bolǵan.

Erekshe atap ótilgendeı, bul sapar Donald Tramptyń shaqyrýymen jáne Brıtan úkimetiniń usynysy boıynsha ótedi. 

Amerıkaǵa saparyn aıaqtaǵannan keıin monarh Bermýd araldaryna barady, onda ol brıtandyq shetel aýmaǵyna korol retindegi alǵashqy resmı saparyn jasaıdy.

Eske salsaq, Donald Tramp 2025 jyldyń qyrkúıeginde Ulybrıtanııaǵa memlekettik saparmen barǵan. Bul Ulybrıtanııa tarıhynda alǵash ret sheteldik kóshbasshy ekinshi márte memlekettik saparmen kelýge shaqyrtý alǵan oqıǵa boldy.