Ulybrıtanııa koroli densaýlyǵyna baılanysty memlekettik qyzmetti ýaqytsha atqarmaıdy
ASTANA. KAZINFORM - Ulybrıtanııa koroli ІІІ Charlz kelesi aptada medıtsınalyq protsedýradan ótedi. Osyǵan baılanysty ol memlekettik qyzmetti atqarýdy ýaqytsha toqtatady. Bul týraly Býkıngem saraıynyń málimdemesinde aıtylǵan, dep habarlaıdy reseılik TASS aqparat agenttigi.
«Jyl saıyn myńdaǵan er adamdar sııaqty, patshaǵa qýyqasty beziniń ulǵaıýyna baılanysty em alý qajet boldy. Uly Mártebeliniń isigi qatersiz, ol kelesi aptada emdeý protsedýrasynan ótý úshin aýrýhanaǵa barady. Korol saýyǵyp ketkenshe onyń memlekettik mindetteri qysqa merzimge toqtatylady»,- delingen habarlamada.
ІІІ Charlz 75 jasta. Ol taqqa 2022 jyldyń qyrkúıeginde anasy ІІ Elızaveta (19262022) qaıtys bolǵannan keıin otyrdy.
Memleket basshysynyń aldaǵy ýaqytta dárigerlerge júginetini týraly monarhtyń úlken uly Ýels hanzadasy Ýılıamniń áıeli, 42 jastaǵy Ýels hanshaıymy Keıtke 16 qańtarda ish qýysyna ota jasatyp, naýryz aıynyń sońyna deıin jasaı óz mindetterin atqara almaıtyny belgili bolǵannan keıin jarııalandy.
