Ulybrıtanııa kelesi jyldan bastap Reseıden almaz ımporttaýǵa tyıym salady
Ulybrıtanııa 2024 jyldyń 1 qańtarynan bastap Reseı Federatsııasynan almaz ımporttaýǵa tyıym salady. Bul týraly Birikken Koroldik SІM málimdemesinde aıtylǵan. Kazinform bul týraly TASS-qa silteme jasap habarlaıdy.
«Ulybrıtanııa úkimeti Reseıden almaz ımporttaýǵa shekteý qoıý týraly zań jobasyn usynyp, metall salasynda kómekshi qyzmet kórsetýge tyıym engizýdi josparlap otyr» delingen málimdemede.
Qujatta reseılik almaz ımportyna tyıym 2024 jyldyń 1 qańtarynda kúshine enetini jazylǵan.
Sonymen qatar London Reseıge «áskerı nemese óndiristik maqsatta» qoldanylýy múmkin, onyń ishinde kóliktiń qosalqy bólshekteri men elektrondyq ónimderdi eksporttaýǵa tyıym saldy.
Jalpy Ýkraınadaǵy reseılik arnaıy áskerı operatsııa bastalǵaly Ulybrıtanııa 1,8 myń reseılik jeke jáne zańdy tulǵany, onyń ishinde reseılik bank sektorynyń 90% tıesili 29 bankti qara tizimge engizdi.
Ulybrıtanııalyq BAQ jazýynsha, sanktsııa saldarynan koroldikte Reseı ónimi ımporty 2021 jylmen salystyrǵanda 94%-ke, al Reseı Federatsııasyna Brıtanııa eksporty 74%-ke qysqarǵan.
