Ulybrıtanııa Qazaqstannyń bala quqyǵyn qorǵaý baǵytyndaǵy jumysyn erekshe baǵalady
ASTANA. KAZINFORM - Ulybrıtanııa Qazaqstannyń bala quqyqtaryn qorǵaý baǵytyndaǵy jumysyn erekshe baǵalap, keı tustaryn óz tájirıbesine engizýge nıetti.
Atap aıtsaq, oqýshylarǵa tegin tańǵy as berý, mektepti baqylaýda vedomstvoaralyq mobıldi top pen balalarǵa biregeı ıdentıfıkator engizý tájirıbesi qatty unaǵan.
Bul jaıynda Qazaqstandaǵy bala quqyqtary jónindegi ýákil Dınara Zakıeva Jibek Joly arnasyna bergen suhbatynda aıtty.
Ol Londonda Ulybrıtanııanyń bala quqyqtary boıynsha ombýdsmenimen kezdesken.
Ekijaqty kezdesý barysynda bala quqyǵyna qatysty biraz másele talqylandy. Qazir Brıtan parlamentinde bala quqyqtary jónindegi jańa zań qaralyp jatyr. Onda Qazaqstan tájirıbesi de eskerilmek.
Aıta keteıik, senatorlar Qyzylordada bilim berý júıesin transformatsııalaý jáne bala quqyǵyn qorǵaý máselesin talqylady.