Ulybrıtanııa qaǵaz vızalardy elektrondy vızalarmen almastyrady
ASTANA. KAZINFORM – Ulybrıtanııa qaǵaz qujattardan bas tartyp, olardy jeke basyn kýálandyratyn jáne ımmıgratsııalyq mártebesin rastaıtyn tsıfrlyq jazbalarmen almastyrady, dep habarlaıdy Kazinform-nyń Londondaǵy menshikti tilshisi.
25 aqpannan bastap Ulybrıtanııaǵa sapar josparlap otyrǵan arasyna 85 elden kelgen (tizimde Qazaqstan joq) týrıster elge kirýge ruqsat beretin elektrondyq ruqsatty (ETA) rásimdeýi kerek. Áıtpese, olarǵa elge saparlaýǵa ruqsat berilmeıdi, dep habarlady Ulybrıtanııa Іshki ister mınıstrligi.
Bul saıahatqa shyǵar aldynda onlaın rejıminde alynýy tıis elektrondyq kirý ruqsatyna (EIA) qatysty. Ony Ulybrıtanııaǵa kelý úshin vıza talap etilmeıtin memleketterdiń azamattary rásimdeýge mindetti.
Ulybrıtanııa úkimeti elge kirýge elektrondyq ruqsat berý júıesin 2023 jyly, negizinen azamattaryna qysqa merzimdi saparlar úshin vıza qajet emes elder úshin engizdi. Ádette bul buryn elge kirý rásimi jeńildetilgen kóshi-qon táýekelderi tómen elder.
Bul ruqsat júıesi endi Ulybrıtanııaǵa kirý úshin mindetti bolady. Áýe kompanııalary jolaýshylarǵa jaramdy elektrondyq ruqsatsyz reısterge otyrýǵa ruqsat bermeıdi.
Bul talap qos azamattyǵy barlardy qosa alǵanda Ulybrıtanııa men Irlandııa azamattaryna nemese Ulybrıtanııada turaqty turýǵa quqyǵy bar tulǵalarǵa qoldanylmaıdy.
El birneshe jyl boıy qaǵaz qujattardan birtindep bas tartyp, tsıfrlyq vıza rásimdeý úlgilerine kóship jatyr.
25 aqpannan bastap brıtandyq konsýldyqtar sondaı-aq barlyq ótinish berýshilerge, sonyń ishinde Qazaqstan azamattaryna qonaq vızalaryn qosa alǵanda, qysqa merzimdi vızalardyń belgili bir túrlerin (6 aıǵa deıin) tsıfrlyq túrde bere bastaıdy. Endi ótinish berýshiler elektrondyq vızaǵa Ulybrıtanııanyń vızalar men ımmıgratsııa qyzmeti (UKVI) júıesindegi jeke akkaýnttary arqyly qol jetkizýi kerek.
Elektrondy vızalar kezeń-kezeńimen birtindep engizilip jatyr. Ulybrıtanııa bıligi 2026 jyldyń sońyna qaraı vıza japsyrmalaryn berýdi tolyǵymen toqtatýdy josparlap otyr – barlyq maquldanǵan ótinish berýshiler tek elektrondyq vıza alady.
Azamattarǵa ótinish bergen kezde jazǵan elektrondyq poshta mekenjaıy arqyly tolyq aqparat jiberiledi.
Osyǵan deıin Qytaıdyń Ulybrıtanııa azamattary úshin vızasyz rejım engizýdi qarastyryp jatqany týraly jazdyq.