Ulybrıtanııa Irannyń Izraılge zymyrandyq shabýylyn aıyptady

ASTANA. KAZINFORM – Ulybrıtanııa premer-mınıstri jáne syrtqy ister mınıstri Irannyń Izraılge zymyrandyq shabýylyn aıyptap, taraptardy budan ári shıelenisten aýlaq bolýǵa shaqyrdy.

«Men Iran rejıminiń osy óte qaýipti jaǵdaıdy ýshyqtyrý jáne aımaqty shekaraǵa jaqyndatý úshin jazyqsyz ızraıldikterge zııan tıgizý áreketin tolyǵymen aıyptaımyn. Búgingi joldaýym – Irannyń bul shabýylyn aıyptaý jáne Izraıldiń qaýipsizdik pen ózin-ózi qorǵaý quqyǵyn aıqyn moıyndaý», - dedi Ulybrıtanııa premer-mınıstri Kır Starmer seısenbi kúni keshke ótken brıfıng barysynda. 

Degenmen, Stramer taǵy da barlyq taraptardy «qaqtyǵystyń ulǵaıýyna» jol bermeýge shaqyrdy. 

Starmer Ulybrıtanııa Izraılge kómektesý úshin óziniń áskerı áleýetin paıdalanýǵa daıyn ba degen suraqqa jaýap bermeı, «aqparat ýaqytynda beriletinin» aıtty. 

Óz kezeginde Ulybrıtanııa Syrtqy ister mınıstri Devıd Lemmı de Irannyń Izraılge zymyrandyq shabýyldaryn aıyptap, Irannyń aldaǵy áreketteri aımaqtaǵy jaǵdaıdy nasharlatýy múmkin ekenin eskertti.

«Men Irannyń Izraılge jasaǵan shabýylyn qatań túrde aıyptaımyn. Búgin men Irandy aımaqty odan ári jaǵaǵa ıtermeleıtin áreketter týraly eskerttim. Eskalatsııa tsıkly eshkimniń múddesine saı emes», - dep jazdy Lemmı «X» mıkroblogynda. 

Brıtandyq saıasatkerlerdiń reaktsııasy Irannyń Izraıl aýmaǵyna jasaǵan zymyrandyq shabýyldarynan keıin boldy.

Brıtandyq aqparat quraldarynyń habarlaýynsha, Izraıldiń ortalyq jáne ońtústigindegi qalalarǵa keminde 180 zymyran atylǵan.