Ulybrıtanııa Irannyń Izraılge áýe shabýylyn aıyptady
ASTANA. KAZINFORM — Ulybrıtanııa premer-mınıstri Rıshı Sýnak málimdeme jasap, Irannyń Izraılge jasaǵan áýe shabýylyn aıyptady.
«Men Iran rejıminiń Izraılge jasaǵan shabýylyn qatań aıyptaımyn», — delingen brıtandyq premer-mınıstrdiń málimdemesinde.
Ol Ulybrıtanııa Izraıl men aımaqtyq seriktesterdiń, sonyń ishinde Iordanııa men Iraktyń qaýipsizdigin qorǵaýdy jalǵastyratynyn atap ótti.
«Odaqtastarymyzben birge biz jaǵdaıdy turaqtandyrý jáne odan ári shıelenisýdiń aldyn alý úshin shuǵyl túrde jumys istep jatyrmyz. Eshkim qantógisti jalǵastyrǵysy kelmeıdi», - delingen Sýnaktyń málimdemesinde.
Senbide Izraıl qorǵanys armııasynyń baspasóz qyzmeti Irannyń óz aýmaǵynan Izraılge qaraı ushqyshsyz ushaqtardy ushyrǵanyn habarlady. Bul Islam Respýblıkasynyń evreı memleketine alǵashqy tikeleı shabýyly boldy.
EO-nyń Syrtqy ister jáne qaýipsizdik saıasaty jónindegi Joǵarǵy ókili Djozep Borrel Eýropalyq Odaq Irannyń Izraılge qarsy qolaısyz shabýylyn qatty aıyptady, dep málimdedi.