Ulybrıtanııa Gran-prıi: Ferrari maýsymdaǵy alǵashqy jeńisine jetti
ASTANA. KAZINFORM — Ulybrıtanııa Gran-prı kezeńinde Sharl Lekler jeńiske jetip, Ferrari komandasyna bıylǵy maýsymdaǵy alǵashqy jeńisti syılady.
Jeńimpazdan 0,427 sekýndqa artta qalǵan brıtandyq «Mersedes» júrgizýshisi Djordj Rassel jáne 0,772 sekýndqa artta qalǵan «Ferrarı» komandasynyń 7 dúrkin álem chempıony Lıýıs Hemılton jeńis tuǵyrynda Leklerge qosyldy.
Jarysty úsh júrgizýshi aıaqtaı almady. Olar — Nıko Hıýlkenberg (Audi), Aleks Albon (Williams) jáne Maks Ferstappen (Red Bull Racing). Álemniń qazirgi chempıony Ferstappen 48 aınalymda trassadan shyǵyp ketti, sodan keıin qaýipsizdik mashınasy iske qosyldy.
Jeke esepte kósh bastap turǵan Andrea Kımı Antonellı (Mercedes) jarysty tek 16-orynda aıaqtady. Italııalyq júrgizýshi uzaq ýaqyt kóshbasshylar qatarynda bolǵanymen, 41-aınalymda tehnıkalyq aqaý týraly habarlap, pıt-stopqa kirdi. Bir kún buryn Antonellı sprınttik jarysta jeńiske jetken edi.
Formýla-1 Belgııa Gran-prıi chempıonatynyń kelesi kezeńi 19 shildede ótedi.
Buǵan deıin Gucci sán úıi «Formýla-1» chempıonatyndaǵy Alpine komandasynyń jańa tıtýldyq seriktesi bolatyny týraly habarlandy. Uzaq merzimdi yntymaqtastyqtyń bastalǵanyn frantsýz komandasy resmı túrde jarııalady.
